Von gots gnaden wir Joachim etc., kurfurst, vnd Albrecht, gebruder, Marggrauen zu Brandemburg etc., Bekennen etc., das wir vnsern lieben getrewen Cristoff, Ernsten,

141

wolffen vnd albrechten, gebruderen von Leipczk, vff ir fleissig Bete vnd vmb Irer anlig- genden nott willen vorgunt vnd erlewbt, das sie vnserm lieben Besunderem Adam von Lieben- stein, Swab genant, zwey dorffer, mit nahmen Rogesse vnd kopatz, mit alien iren zu- vnd eingehorungen vnd gerechtigkeiten vor tausent gulden heuptsumm vff einen rechten wydderkauff, laut des kauffbrieffs vnd der verschreibung daruber auszgangen, verkauffen mogen. Wir haben auch vff betlich ersuchen gnants Adam von Liebensteins ausz sonderm gnedigem willen zuge- lassen, bewilligt vnd vergont, das er mag soliche heuptsum, so vff die beide dorffer verschriben, In Testament vermacben, ferner verkauffen oder In andere wege nach seinem gefallen hyngeben vnd wenden: vnd wer soliche verschreibung des widerkauffs vnd vnsers volbortsbriuen mit seinem guten wissen vnd volbort Innen vnd bey sich haben, die sollen lich derselben zweyen dorffer nach ver- mogen der verschreybungen, so lang der widerkauff steet, gebrauchen one ydermanns eintrage, sper- rung vnd verhinderung, doch den vorbenanten von Leipczk oder iren Erben vnd nachkomen der widerkauff vnd die ablosung, die zum furderlichsten, so es gesein kann, gescheen soil, vorbe- halten, vnd zulassen, bewilligen, erlewben vnd vergonnen das alles, wie obstet, in vnd mit Crafft dits briflfs etc. — Actum am freitag nach octauas Corporis Cristi, Anno etc. vndecimo.

Relator her Dietrich von Disskow, doctor vnd Comptur zum Quartzen. Mad) itm (S&urmarf. £efa8*Sopialbm$e XXX, 228.