Uniuersis et singulis presentes literas Inspecturis Raymundus Peyrandi, Archidiaconus AInisiensis In ecclesia Xancton, Sacre theologie Professor, sedis apostolice protonotarius et san- ctissimi domini nostri Pape referendarius domesticus, ad Almaniam, uniuersaque et singula, prouin- cias, Ciuitates, terras et loca Germanie sacro romano Imperio, jllius Electoribus et subditis ubilibet subiecta, Nec non Dacie, Suecie, Norwegie, Liuonie, Pruscie et Ruscie regna ac Insulas et prouin- cias et alia dominia, terras atque loca illis adiacentia cum plena potestate Legati de latere Orator, nuncius et Commissarius apostolicus, salutem. Notum facimus, quod Sanctissimus in Christo pater et dominus noster, dominus Innocentius papa octauus et modernus concessit omnibus et singulis utriusque fexus cristi fidelibus pro tuicione ortodoxe fidei contra Turchos eiusdem fidei inimicos, juxta ordinacionem nostram manus adiutrices porrigentibus, preter jubileum et alias jndulgentias, gracias et facultates, quas cristi fideles ipsi optinent, prout visitando ecclesias per nos aut Commissarios nostros deputandas, ac si vilitassent basilicas urbis tempore jubilei, prout in literis apo- stolicis desuper confectis plenius continetur, quod possint eligere confessorem idoneum secularem vel regularem, qui eis semel jn vita ab omnibus et singulis peccatis, excessibus, criminibus et delictis, eciam sedi apostolice generaliter et specialiter reservatis absolutionem plenissimam jmpendere, Ab aliis vero eidem sedi non reseruatis, vita eis comite, totiens quotiens eos absoluere et jn mortis articulo ac eciam totiens quotiens de eorum morte dubitatur, etiam si tunc eos decedere non contingat, plenissimam omnium suorum peccatorum remissionem eis impartiri valeat. Indulsit eciam sanctissiraus dominus noster motu proprio, omnes et singulos cristi fideles hujusmodi ac eorum parentes et benefactores defunctos, qui cum caritate descesserunt, jn omnibus precibus, suffragiis, missis, elemosinis, jeiuniis, orationibus, disciplinis et ceteris omnibus spiritualibus bonis, que fiunt et fieri poterunt in tota uniuersali sacrosancta cristi ecclesia militante et omnibus membris eiusdem, in per- petuum participes fieri. Et ne super premissis a quoquam verti possit in dubium, Voluit ipse sanctis- simus dominus noster, quod presentibus nostris litteris tanta adhibeatur fides, quanta exhiberetur, si sub bulla sua plumbea expedite forent, nec non easdem sub quibuscunque generalibus vel specialibus de similibus gratiis et facultatibus forsan emanandis, reuocationibus et suspensionibus ullatenus comprehendi debere. Et quod deuote in cristo Anna van der Schulenborg, Abbatissa, Ger- trudes smedis, priorissa, Sophia van Aluensleue, Heilwigis cloden, margaretha ercksleve, Lucia van gore, anna voldenscere, Elizabet ronsted, Gertrud van al- uensleue, Margareta Storkows, Beatrix stegelitze, Anna Noppow, Anna Swarten- holtes, Ermegardis van der Schulenborg, Conegundis bertkow, Anna Nigendorp, Margaretha Huselitzs, Dorotea bromers, gertrud Zedeler, Anna Krugen, marga- reta beygen, Lucia van gore, Anna Keuers, Sophia van Aluensleue, anna volden- scere, anna ronsted, Gertrud callen, gertrud borstels, Heilwigis gruben, gertru- dis rossows, Anna Konekens, Margareta Copenas, Elizabet nitzenplitz, Conegundis van der Schulenborg, Ipolita van Aluensleue, Godelheidis van der Sculen- borg, Christina van aluensleue, Katarina Katten, Elizabeth horstmans, Gertrud van Luderitz, Ipolita van Luderitz, gertrudis Duuels, Elizabet cloden, Sophia van der Schulenborg, Dorothea Nagels, Ursula Stoltings, Margareta bunemans, Elisabet hasselmans, Agata scroders, Anna elsleue, Gertrudis masentin, Alheidis Smedis, Anna Radimins, Agata gravensteds, gertrudis Langenese, Barbara Vis- mers, Richildis Leppins, Alheydis sarpen et mette clans, Donate moniales et sorores monasterii sanctimonialium jn Nigendorpp, ordinis Cisterciensis, ad ipsius fidei piam subventio- nem et defensionem, juxta sanctissimi Pontificis jntencionem et nostram ordinationem, prout per pre- sentes literas eis in huiusmodi testimonium traditas, approbamus, de suis bonis contulerint; Ideo auctoritate apostolica nobis commissa, ipsis ut dictis gratiis et Indulgentiis uti et gaudere possint et valeant concedimus pariter et indulgemus per presentes. Datum sub sigillo nostro ad hoc ordinato die Veneris, decima quarta mensis Augusti, octuagesimo nono. Forma absolutionis jn vita totiens quotiens. Misereatur etc. Forma absolutionis et plenissime remissionis semel in vita et in vero mortis articulo vel verisimili. Misereatur tui etc. Dominus noster Jhesus Cristus per meritum sue passionis te absoluat et ego auctoritate ipsius et apostolica, mihi in hac parte commissa et tibi con- cessa, te absoluo, primo ab omni sententia excommunicationis, maioris vel minoris, si quam incur- risti, Dein ab omnibus peccatis tuis contritis, confessis et oblitis, conferendo tibi plenissimam omnium peccatorum tuorum remissionem, remittendo tibi penas purgatorii, In quantum claues sancte matris ecclesie se extendunt, In nomine patris et filii et spiritus sancti amen.