Oom Sabre 1481?)

Dit is de tosprake, de wy Hertoch Buggeslaff hebben to deme Eddelen Heren La- dewighe, greuen to Euersten. Interste dat he syk des i'tichtes to Carnmin vnderwunden

121

hefft vnd hefft dat ghehat vnd regeret mit alien Herlicheiden etc. So is he vns van des suluen stichtes weghen schuldich vnd plichtich Dredusent mark, dar wy vorseghelde breue vp hebben, dar wy ene vnd vnse leue frouwe moder vaken vmme anghespraken vnd manet hebben, vnd hefft vns nicht betalen wolden vnd syn des to schaden kamen, also gudt alse dusent rynsche gulden, dat wy wol bewisen kanen vnd hapen to rechte, nach deme, dat he dat stichte hefft ghehat mit aller her- lycheit vnd nuth, he schal vns vnse ghelt betalen vnd den schaden vprichten.

Item alse wy to krighe quemen, do de Marggreue mit Herschilde jn vnse landt toch, So esschede wy ene. Zo zede he vns to vnd manne vnd stede des stichtes, Dat ze by vns bliuen wolden vnd helpen. Alse idt do tor noet quam vnd wij ze dar effcheden, do quam he nicht vnd de ghudemanne vnd stede, de vns gherne holpen hadden, de mosten vor em nicht. De van Cos- lin weren rede mit aller macht vnd wolden taghen hebben na Belgarde vnd wolden helpen dat landt entsetten. Also he dat vorfur, Done schreff he en, dat ze dat nicht mosten dhoen. Des haluen sijn wij mit vnsen landen to schaden kamen, also hoch alse Hundert dusent gulden.

Item zo is he to dren raalen mit syneme Brodere mit Herschilde in vnse lant ghetaghen vor Siggelkouw, vor den Strammel, Reghenwolde vnd Plate vnd hefft vns vnd vnsen landen schaden daen also hoch, alse veftich Dusent gulden.

Item In deme, alse vnse frede scholde vthghaen mit deme Marggreuen vppe Johannis, byn- nen der tydt hadde he syk vordraghen mit Marggreue Albrechte, dat he scholde em de con- firmacie schicken vp dat stichte, he wolde syk to em letten mit synen steden vnd sloten vnd mit deme gantczen stichte to Cammnim vnd de here greue Ladewich hefft dat vorseghelt vnd vorbreuet deme Marggreuen vnd hebben des enen bekanden Heren, also Marggreuen Al brechte. Ok surd er dat de Postulate to den Rederen des stichtes In syner eghenen personen werff, dat ze scholden ok vorzeghelen vnd setten syk van vnsen landen vnd luden, dat wytlick vnd apenbaer is vnd lantkundich. Zo hape wij to rechte, he schal vns wandel vnd bote apen vnd vnl'en brake vthrichten also hoghe wij dat richten willen, an lyff effte gudt vnd setten dat bij vnse ghemenen Redere, Heren, Prelaten, manne vnd stede to rechte.

9totij au8 bent $ro»tnjiaU2Inbl»e ju (Stettin.