Subictg bem Momer, am 15. SKdrj 1354.

Wir Hertzoge Heynrich, von gotis gnaden Hertzoge von Slezien, herre zu glogow vnd zum Sagan, bekennen offinlichen in disem kegenwortigen brieue, daz wir mit vnsirm lyben suager, Marggrefin Ludowik dem Romer, vnde mit allin synen brudern vnde dy erbe syn der Marke gutlichen, fruntlichen vnd liplichen gesunt syn vnde bericht vmbe allin brochen vnde Sachen, dy zwiffchen vns vnde yn lint gewest vnde haben vns dez mit yn voreynet, vorsunt vnde vorbunden, eynandir zu helfin vnde zu raten obir allirmenniklych, von sunt Walpurgen tage, der Nu nehest wirt, zukunftik obir sechs Jar, alzo wenne her vnser darf, daz her vns vier woehen

vore sal laslin wissen, vnde wen wyr an syn lant komen, so sulle wir ym helffen off syne kost vnde off vnsirn schaden mit funs vnde zwenzik mannen mit helmen, so sol her vns mit sunfzik mannen mit helmen wedir helfen, ab is vns noth gescheh. Wer ouch, ab wir icht festen in synen landen gewunnen, dy sullen syn blyben, vnde waz wyr festen vswennik dez landes gewunnen, daran sullen wyr teyl nach der manne gezal haben vnde her sal vns daz laslin vngehindirt volgen. Were ouch, daz wir adir dy vnsirn ymande geuangin neemen adir vingen, daran sullen wir ouch nach der manzal teyl haben vnde sal vns daz laflen volgen vngehindert. Wer ouch, daz wir adir dy vnsern geuangin worden adir vromen neemen, do dy synen nicht by weren, dy sullen vnsir blyben vnge hindirt. Wer ouch, daz vnsir suagir, der vorgenante ludowik, adir dy synen geuangen wurden adir vromen neemen, do dy vnsirn nicht by weren, dy sullen ouch syn blyben vngehindirt. Ouch zyhen wir aus by namen vnsirn heren, heren Karl, den Romischen kunig vnde dy synen, vnde waz yn antroffe. Ouch zyhen wir aus vnsirn lyben suagir, den Marggreuen von My sen, vnde synen brudir vnde ab der kunig van Crakow nicht welde recht geben adir neemen adir be- scheyndenheyt von vnsirm suagir dem vorgenanten, so sulle wir ym synes rechten bylegen vnde helfen, alz vore stet geschreben: vnnd quueme vnnser vorgenanntir suagir, der Marggreue Lu dowik, in keynen kryk von vnsir wegen, den kryk sullen wir nicht funen noch tagen adir be nch ten, wir enhetten yn denne vore vortegedingit vnde an die sune gezogen. Wer ouch, ab on vns inwennik den sechs iaren icht geschege in alzotanir geschicht, daz wir abestorben, dez got nicht enwelle, so sullen vnser erben vnd nachkomelinge allir der vorgeschreben rede vnde gelobde vnfirm suagir, dem vorgenanten Marggreuen Ludowik, synen erben vnde nachkomelingen dy vorgeschreben sechs iar syn vorbunden glychir wyz, alz wyr, ab wyr leeben. Zu eyner gantzen sechirkeyt dises vorgenanten dinges haben disen brieff heysen scbryben, vnd wir haben yn laden vorsigelen mit vnsirm ingesigel, gegeben zu Crossin, an dem Sunabende vor dem suntage, als man singet Oculi mei semper, Nach gots geburte dreuzehnhundirt Jar vnde in dem vier vnde funf- tzigisten Jare.

5Rac6 bem Orig. be8 ©tabtar<6i»e« 311 grattffurt VIII, 3, 61.