Wir Joachim, Churfurst etc., Bekennen, das wir vnsern Ambtman zu Poth ft amp, Rath vnd lieben getrewen Casparn van Kockeritz, nach underhandlung vnsers Ampts pot- stamp zu vnserm Rathe vnd diener von haus aus bestalt vnd angenohmen haben, also das er sich uff vnser erfordern von Haus aus zu wagen in vnsern vorschickungen, sachen vnd geschefften, In vnd auffer vnsers Landes, auch mit vns selb uber Landt zu reisen gebrauchen, vns nach seinem besten vorstande rathen vnd dienen, vnser bestes wissen, schaden vnd nachteil vorwarnen vnd seins vormogens vorhueten, vnd was wir Ime Rathsweise vortrawen, oder er sonst horen oder erfarn wurde, bis In seine gruben vorschwigen behalten, vnd sonst alles, was einem trewen vleifligen Rathe zustehet vnd geburet, thun soil vnd will, wie er vns dan des geburliche Rathspflichte ge- sehworn vnd gethan, dafur wir Ime In Zeit solcher bestellung Jedes Jars zweihundert gulden

485

vnserer Landswerung uff zween Termin, Nemlich einhundert gulden vff Ostern, dieselbige Zeit schirst nach dato antzufangen, vnd das ander hundert uff Michaelis hemach, vnd Jedes Jars also zu balten, durch vnsern vorweser desKlosters zu Lhenin, Michel Happen, oder dene, so zujeder Zeit daflelbige Ampt haben wirdet, aus des Klosters einkommen' vorreichen vnd daruber auch noch jedes Jar 24 Ellen Schwartzen lainmet zum ehrkleide durch vnsern Dieuer Johan Zeidler geben laffen wollen. So sol er auch vnsere Hofkleidung uff drei personen, so offte wir uber hof kleiden werden, wie andere vnsere Rethe vnd Ire diener haben. Wir vorsprechen Ime auch fur zwei pferde, Jedes uff 30 fl. geachtet, schadenstant, vnd do er In vnserm dinste, welchs got gne- diglich vorhuete, gefengnus halb schaden erleiden wurde, dene wollen wir auch erstatten, vnd Ine schadloss halten, vnd wir nemen berurtten Casparn von Kockeritz zu vnserm Rathe vnd ver- sprechen Ime an besoldung vnd andern, wie obberurt, hiemit In Crafft dis brieffs alles treulich vnd vngeferlich. Zu urkundt etc. — Michaelis Anno 43. »u« ®. 2B. ». SRaumer'S banbfariftlic$em 9to(6>fff.