t>on <Sad>fen=£auenburg, t>oin 31. 3ult 1452.

Nah den Jaren cristi virteynhundert, darnah in dem LII. Jare, ame mandaghe negest nah Sunte Jacobis daghe, is besproken thur wilsnak tusschen den hochgheboren forsten vnde hern, hern frederike deme olderen, marckgrafen to Brandenborch etc. vpp eyneme, vnde deme hochgheboren forsten vnd heren, heren Bernde, Hertoghen to Sassen etc. vpp deme anderen deyle, van wegen eines hilgen echtes jn desscr nahgeschriuen wyse. Thorn irsten is be sproken, dad dy hochgheboren forste, hertoghe Johan, hertoghe Bernd Sone, wil nehmen to der ehe vnde sik vertruwen laten des hochgheboren forsten, herren fride rieke s ergenant doch- ter, nemelken Margareten, sunder geldes medegifft. Dar kegen wil vnde schal dy vorgenante herre friderick, marckgraff etc., sick med truwen bearbeyden by deme dorchluchtigisten for sten vnde heren frederick dem keyser, by den korforsten, syuen Bruderen vnde anderen lynei herren vnde frunde, offte he med fruntschop oder mit rechte mochte wedder erweruen dy Slote vnde Borghe dissem gnanten her Bernde vnde synem Brudere, dy Stede Lubecke, Ham- borch etc. em affghewunnen-vnde gedrungen, nemelke Bergdorpp, Rybenborch, den toll vnde fere tu Eyslinghe mit oren tobehoringhen, dat schal er friderick ofte syne eruen don med alien truwen vppe syne eyghene kost vnde terunghe. Ouck so schal deffe gnante her fre- dericke synen vlyd don nah allem synem vermoghen vmme dat land to Sassen-W it ten berg med alien tubehoringhen mit deme Marckgrafen von Mysen vnde den landgrafen to Doringhen bearbeyden in frundliker dedinghe. Ouck wan nah der schickunghe des allemechtigen godes deffe

71

beyde personen ergheschreuen byligghen scholen vnde willen, so schal desse ergDante herre fride- rick, margraff etc., syne ergnante dochter vthrichten vnd bestellen med goltwerke, suluerwerke, taselsmyde, houetgold, mit kleideren, kleynoden vnde med beddezirunghe, alse dad sodanes herren vnde forsten dochter wolghebort vnd timet vnde war dy bylygunghe wesen schal vnd welke tyd, dad scholen beyde forsten bynnen desser tyd eynswerden. Ouck wil vnde schal her Bernd er- gnant verlaten vnd hnldigen laten tusschen dyd vnde negesten sunte mertens dagh deflen erghe schreuen herren fredericke, marckgrafen to Brandenborch vnde synen eruen vnde nach- komelinghen syn land to Sassen vnde lude med alien synen tubehoringhen vnd rechtigheyden, wen he vnde alle syne menlike lehns erfen van dodeswegen veruallen syn, so schall desse erbeno- niede herre frederik all syn land vnde lude befitten vnde ruwelken in erse hebben. Weret auer, dad dar yennigh frouwlich kune von Sassen ghebaren nahbleuen, dy schal desse vorschreuen herre fredderick oder syne erfen forstliken vnde erliken von den guderen des landes beraden, Ib sick dad nah orer bort temet vnde behord, vnde wes dy vorbenande herre frederick, mark- graff etc., hirto behuuede von deme hilgen romefschen ryke van Confirmatien, Priuilegien, Bry- uen ofte rechticheyden, dad schal he irweruen vpp syn eyghen kost vnde arbeyd. Ouck scholen desse gnanten forsten vnde herren vnde Er frederick, dy Junghe herre, marckgraff tu Brandenborch etc. lick vnder eynander vorschriuen, vorenyghen vnd tu hope setten, ward dad orer welk tu vnwillen ofte feyden qwemen, mit weme dad were, so schal orer eyn den anderen nicht verlaten, sunder em behulplik wesen med landen vnde luden nah alien synem vermoghen, so forder wu he syner tu eren vnde tu rechte mechtich sy, vthghescheyden oft orer welk med ande ren herren offte frunden rede In uorbuntnisse ofte Einunge were. Vnde weret denne, dad eyn herre deme anderen hulpe vnd folghe dede, wu man dad denne vmme koste vnde fuder holden scholde, dad scholden dy hern selues handelen, wan fy tu sammene komen, ofte ere rade verhan- delen laten. Weret ouck, dad desser gnanten personen welker veruelle van dodes wegen ehr deme bylyghende ofte darnah, so schal dy hulpe, trost, rad, sruntschop vnde enige tuhopesettunghe glyke wol blyuen, dar iegen schal ouck dy huldunghe blyuen. Weret ouck, dad dad frouken veruelle von dodes wegen, so mach her Johan eyne rechte frouwen wedder nehmen, so vake em did not were, geue en god erfen, dad denne dad land tu Sassen vppe dy eruen eruede vnde wan dad land to Sassen veruelle ane erfen, dad dad denne erfede vpp dessen vorgnanten herren fride- rick, marckgrafen tu Brandenborch vnd syne erfen, alse vorgheschriuen is. Ouck schal vnse Hue husfrouwe dy hochgheborne forste frow A1 h e y d rouwelken befitten vnde brukelken bly uen In ore liftucht dy tyd ores leuendes nah lude orer Bryue, dartu schal dy vorbenomede herre frederick vnde syne eruen truwelken beschermen, verdedinghen vnde by beholden. Ouck schal vnde will desse gnante herre Bernd beliftuchtighen dyd vorbenumede frouken met deme Slote, dad nye husz jn deme derszinghen, dar schullen tu horen yarlike rente aller Jar bouen twedu- sent rynsche gulden, ofte med deme Slote Ratztzeborch med dessem gnanten golde. Wart, dad

dy hochgheboren forstinne frouwe Alheyd veruelle, van dodes wegen, dar god vor fy

Ouck schal dy vorschreuen herre frederick, marckgraff vnde syne er fen den Erwerdigen heren Magnus, Bisschopp tu hi Id en se m, hern Berndes Broder syner gnanten husfrouwe vnde hern Johan, synem Sone, syne land vnde lude truwelken beschermen, verdedinghen vnde verbidden ofFt em des behuff dede iegen alsweme. Ouck scholen desse gnante hern Magnus, Bisschop tu hildensem, herren Bernd vnde heren Johan, hertoghen to Sassen vnde ore rechten menliken lehns erfen ore lande vnde lude vulmechtich wesen vnde bly

72

uen all dy wyle sy leuen jn aller mathe, alse nuw thor tyd syn, vnde weret, dad desse velegbe- dachte herre fredderick, marckgraff etc. med weme tu feyden oder tu kryghen qweme, so scholen em desser gnanten hern Stede vnde Slote open stan tu alle syner behuf vnde not. He schal se wedder verwaren an Borchfrede, so dad wonlik vnde gheborlick js. Desse vorschreuen dedinghe hebben dedinghet vnde besproken van wegen des vilgedachten herren fredcrickes dy Erwerdige jn god, vader, herre Conrad, Bisschopp tu Hauelberg, her Baltzar gans, her doctor Andreas hasselman, prouest tu soltwedel, her Mattis von Jaghouw, ridder, mat- tis von der Schulenborch, pauwel von Conrestorp, houemeister, Er Wilkenus thoine vnde van wegen des gnanten hern Berndes, hertoghen tu Safsen her hinrick nolte, de- ken vpp sunte marien berghe vor Hildeusem, her Segard grassouw, prouest tu Sehusen, her Arnd bleyke, Er Dyderick roloues, Hartwich van Parkentyn, hans daldorp, vicke kaelouw vnde ludolphus molbeke, In deffer nahschreuen wise, dad desse gnanten hern sridericks rede schullen desse recesz bringhen an den vorgnanten hern frederick, mark- grafen, isset, dad em sodan recesz behaghet vnde annamet, so schal he wesen thur wilsnack des anderen Sondaghes negest nah sunte michels negest komen vnde syne dochter mit sick brin ghen vnde dar denne vortrwen laten deme gnanten heren Johan, hertoghen tu Safsen, her toghen BerndSone, dy vpp dy gnante tyd dar ouch wesen schullen. Weret auer, dad her frederick desse dedinghe nicht annehmen wolde, dad scholde den gnanten hern Beinde tusschen dyd vnde natiuitatis marie affschriuen. Desglyck mach ouck herre Bernd herren frede rick wedder affschriuen. Weret ouck, dad desser forsten welk ys verhindert worde, dad he del- fen gnanten dach nicht beryden konde, dat schal ein dem anderen tydliken affschriuen vnd eynen korten anderen dach weder tuschriuen. Des tu bekanntnisse hebben wy here Bernd vorgenant vnde Pauwel von Conrestorp, houemeister, van des mergnanten hern fredericks vnse In- gesegel drucken laten an dessen recessz. An Jare vnde daghe alse vorgheschriuen is. 9ia$ bent Original beS §:. §au8ar<$iee3.

LXXI1. ^erjog Setttljarbg bon ©a^fen^ouenturg 0Jatljfd)lag fiber btefe ©acfce, oljne 3)atum.

Na deffer nagescreuen wise is vnses her berndes, Hertogen to Safsen etc, des hil- gen romischen rikes Ertzemarschalk, menunge van des hilgen echtes wegen to vullenthende na deme willin des Almechtigen godes mid deme hochgeborne forsten, hertogen Julian no, vnsem leuen sane, vnde des hochgeboren forsten heren frederikes des olderen, Markgrauen to brand en bo rch etc., finer leuen dochter.

To deme Ersten offt dat de Almechtige god vorzen hadde na linen gnaden, dat sik desse vorbenanten personen sammelende worden in deme hilgen Echte, so wille wi vns mid vnsen lan- den vnde luden, herscoppen, sloten, wor de belegen fin, voreingen vnde to hope setten vnde vor- broderen erffliken mid deme gnanten Markgreuen frederike deme olderen vnde sinen Eruen, also weret, dat wi alle hertogen to Safsen vorstoruen vnde van dodes wegen vorvellen, dat god

73

nummer eu wille, so scolen alle vnse land vnde lude vnd slate, alse vorgescreuen, is allent komen vnd vallen an den vorbenan ten Markgrauen, vnsen leuen swagere vnde sines Hues man Eruen vnde dar entiegen schal he vns trugwelken belmlpen wesen wppe line egeue koste vnde therunge to deme lande to Sassen vnde to wittenberge, Marscbalk ampt vnde korsorstendomes dar wedder to tobringende in der besten wise, alse men mach, vnd wat dar affkamende wert, scolde vns beide vnde vnsen Eruen tosamende horen vnde des gelyk schal he vns trugwelken helpen, dat wi mo- gen wedder krigen bergerdorpe vnde ribenborch vnde sulke guder, alse vns de van lubek vnde hamborch affgewunnen hebben. Vnde wen wi so vnse land vnde lude vnde gudere to hope hebben, scolen allent na vnser alle hertogen to Sasssen dode alle vallen vnde kamen an den vor- benanten vnsen leuen swagere vnde sines Hues man Eruen. Hirto schal de vorbenante vnse leue swagere to medegiffte vnde to briietschatte hergeuen hertogen Johanne, vnsem leuen sane, sosvnd- twintich duscnd auerlendisehe rinsche gulden, dar entiegen scole wi vnde willen des ergescreuen vnscs leuen swagers dochter niogelken belifftuchtigen, alse sik dat gebort, vnde were id, dat wi bernd, hertoge to Sassen etc., van dodes wegen vorvellen, dat god lange friste na sinen gna- den, so schal de Ervverdige vnse leue here vnde brodere van hildensem mid vnsem leuen sane hertogen Johanne vnse land vnde lute, slate vnde wes wi naleten, befitten vnde bruken gelyk alse wi brodere touorne hebben besetten vnde an vns geeruet is.

Item weret, dat vnse leue Huffrouwe, frouwe vor Alheit, Hertoginne td Sassen etc. in erer lifftucht des landes to rasseborch vnde andern gifften, so alse, dat de lifftuchtes breff clar- liken Inneholt edder effte wi in nakamenden tiden er wes geuende worden in clenaden edder re- dem gelde in vnsem lesten, dat schal allent macht hebben edder wolde de vorbenante vnse leue huffrouwe na vnsem dode in erer lifftucht bliuen, dar schal men se in laten. Wolde se sik ok voranderen vnd ere lifftucht rumen, so schal me er vtht deme lande geuen teyn dusend rinsche gulden vnd dat schal in erem kore stan.

Item were id, dat vns Jemand ouervallen edder vorvnrechten wolde bauen dat, dat vnse leue swager vnser to rechte mechtig were, so schal he vns trugwelken beholpen wesen vns vnd de vnse to vorbiddende trugwelken gelyk sinen landen vnde luden uppe sine egene koste vnde the runge vnd were vnd lude uppe vnse slate vnd in vnse land to schickende vnd wes to behoff were. Item alse vnse Elderen vnde vorvaren mo 11 en vorsettet vnde vorpendet hebben den van lubek edder effte wi anders wes vorpendet hadden van vnsen landen vnde luden vnd den wi«dat vorsettet hadden vns tor losinge nicht staden wolden, dar schal vns vnse leue swager to behulpen wesen wedder to krigende vor gelt, vnsem leuen sane vnde finer leuen dochter to gude.

Item were id, dat to deflem hilgen echte vnde vorsamelinge breue vnd confirmacien nod vnde behoff weren van vnsem Allergnedigesten beren deme romschen koninge, de schal de Mark- graue vnse leue swager vthtrichten vnde vorweruen uppe sine egene koste vnde theringe.

Item weret, dat wi alle Hertogen to Sassen mid vnsem leuen heren vnde broder van Hildensem vorstoruen, dat god nummer en wille vnde de vorbenante vnse leue swagere edder fines Hues man Eruen to der besettinge vnses landes qweme, so wille wi, dat alle vnse geistlike vnde werlike lude, manne, stede, dorpere, wicbelde etc. alle vnse vndersaten scolen bliuen in alle iren priuilegiis na rechticheiden, wanheiden, guden seden na Sasschem rechte, alse vnse Elderen vnse vorvaren vnd wi mede beeruet vnd van deme hilgen romschen rike begifftiget vnd belenet sin. Item alle veyde, twidracht, sculde vnde tosprake, de de is vnde gewesen hefft twischen deme Erwerdigen vnsen leuen heren vnde broder van hildensem vnde vns vnde deme hochge- Kiebtl't Cod. dip!. Brand., ©in>))lementbanb. 10

74

borne forsteD, beren frederike deme olderen, vnde sinen broderen, Markgrauen to bran- den borch etc., vnse leuen swegeren, scolen hir alle mede gerichtet, vorsonet vnde gentzliken aff- geslagen wesen.

Mai) einem glettfoettigen ©djriftftiltf be« Scnigl. $<w8an$i»e«.