am 16. 3t*rtl 1487.

Wir Johanns — Bekennen—, Das wir angeseen vnd erkannt haben getrew, willige vnd annehme dinste, die vnser liebe getrewen Burgermeister, Ratmann vnd gantze gemeine vnser stat Berlin vns vnd vnser herschaft offt vnd dick zu danck williglich getan haben, teglich tun vnd furder mehr wohl ton mogen, konnen vnd sollen. Darumb vnd von sonderlicher gonst vnd gnaden, auch ir fleifligen bett wegen, haben wir Ine vnd iren nachkomen das Dorff Woltersdorff, neben derSprewe bey Rudolssdorff gelegen, mit Zinsen, Renten vnd sun ft mit alien gnaden, freiheiten, gerechtigkeiten, mit weiden , velden, wegen, Markscheidungen , holtz vnd streuchen, Nemlich die heid, als die in beuchtlichen grentzen vnd Malbowinen begriffen ist, mit wassern vnd Flisen, Nem lich das Stolpken bis an den andern uver, von den Malbowmen an bis zu Rudersdoff, wie das in seinen Grentzen vnd veferen gelegen ist, auch das gericht vsen dem dorff, in masen fie solchs alles von vnserm mann vnd lieben getrewen Heyne Wagenschutzen zu Pynnow erblich ge- kauf't haben, nach laut des kaufbrives daruber gegeben, derselbig Wagenschutz aus ir vnd irer nachkomen behuf vor vns mit hand vnd mund verlasen hat, zu rechten ewigen Eigenthumb gne- diglich vereigent, vnd vereigen den genanten vnsen lieben getrewen Burgermeister, Ratmann vnd gantzer gemein vnser Stat Berlin vnnd iren nachkomen das gemelte dorff Woltersdorff mit alien zugehorungen, wie das in seinen veferen vnd grenzen gelegen obgemelt ist, zu einem rechten ewigen Eigenthumb, als eigenthumbs recht vnd gewonheit ist, vnd in masen Ine ir andere gutter von vnsren vorfaren seligen von vns vereygnet find, In Craft vnd macht dises brives. Czu vrkund haben wir vnser Inligell an disen brive gehangen, der geben ist zu Coin an der Sprew, am Montag in den heyligen Ostern, Nach gottes geburt dusend virhundert vnnd in dem Syben vnnd achzigften Jaren.

»u« bem Drig be8 S3er!m« ©tabt*Hr<$i»t3.

44*

348