Mnffi^ am 25. Suit 1490.

Ick Busse von Aluensleue, Ritter, Ouermarschalk der oldem Marke, bekenne vor my vnd myne rechte eruen, sunderke vor Em Ludolffe vnd Corde, raynen Sonen vnd vor alle de van Aluenslcuen, dar ik mede fitte in samende lehne apenbar, — dat ik mid wolbedacbten made vnd mit willen vnd vulbord des irluchtigen Fiirsten vnd Ern Johannes, von Gods gnaden Marggrauen tho Brandenborch, — dar ik den hoff tho Deetz mit aller tobehoringh in lehne aff hebbe vnd sunderken mit rade vnd fulbord myner fbne vnd frunde vorgescreuen verkoft hebbe vnd verkope recht vnd redliken der wjrdighen vnd ehrbaren frowen, frowe Annen von der Schulenborg, Ebbetische, Gertrudi Smedes, prioriffen, vnd Samninghe des Closters vnser leuen frowen Niendorp vnd alle ehre nakamende einen wispel hardes kornes, half rogghen vnd ghersten im dorpe to Deetze — vor viertich fulwichtig gute Rh. Gulden vnd an Gholde vnd klange — Vnd ik Busse von Aluensleue, ritter, vnd myne rechte eruen scholen vnde willen dem vorscreuen closter tho Niendorp — des koopes vnd des harden wispel korns ein recht ge- wehre wesen jegen alle de jhenne — Weret ok sake, dat ehn dussen wispel korns infall geschege von den von Ronstede edder andersweme derhaluen, also dat de besittere to der tid des haues darumme gepandet worde vnd sin Quek von der Stede gebrocht worde, so laue ik Busse von Aluensleue, ritter, vorscreuen, — dat ik sodane pende seal vnde will wedder frigen up myne kost vnd theringhe. — Weret ok sake, dat ik gemeldete Busse van Aluensleue, ritter, edder myne rechte eruen den ergenanten wispel bardes kornes wolde wedderkopen von der vorscreuen lampninghe tho Nygendorpe, des scholen wy alle jahr mechtig wesen. — Des to orkunde, — die gegeuen vnd screuen nah Christi gebord, vnses hern, dusend vierhundert, darnah im nhegen- tigsten jahre, am dag Siinte Jacobs, des hilghen apostels.

au« ©ertfen'8 Dipl. v. M. II, 137.