erfegen, am 1. Slugufi 1447.

Wir Friderich, von gotes gnaden Marggrafe zu Brand en borg, des heiligen romischen

reichs Erzcamerer vnd Burggraue in Norimberg, bekennen , so alseden vnser Marschalk vnd

lieber getreuwer Werner von Aluensleue von vnsers geheys vnd beuelnisse wegen vf des Closters giitern vnd gebieten zu Nigendorsf, zu Boizendorp eynen teich vnd tham, der den zu vnserm Sloffe zu Gardelege gehoret vnd darzu gehoren sal vnd bliben sal, zu machene an

46*

364

gehaben hat, Das wir nu dem gnanten Werner gegont vnd irloubet haben, das er dem Closter vnd den lewthen, dy sich des guts zu Boyzendorpe, daruf der thich vnd tham gemacht wird, gebrauchen vnd nu schaden von des Teichs machens wegen an wiesen, weiden, ackern vnd alien andern zubehoringhen entphangen haben, eine redliche genugsamkeit vnd widerstatunge mit solchen gutern, alsedenn Werner obgenant von AluensleuezuMildenhovede IX huuen met den wiese^ darzu gehorende, von vnsern wegen getan vnd vernuget hat, vnd wir verwillen vnd vereygenen ouch dem obgenanten Closter zu Niendorff vnd yren armeu lewten zu Boizendorff die obgeschriben IX huuen mit den wiesen zu widderstatunge zu ewighen zyten. Sunderlichen so haben wir Werner obgenant gegonnet vnd irloubet vnd wir gonnen vnd irlouben ihm ouch in craft disses briefes, das er dem genanten Closter zu Niendorff von vnser wegen eine widderstatunge getan hat mit films vnd drissig schepel rogghen in dem dorffe zuSeten, mit namen: drifsig schepel roghen vfLemme Ziramermanns hoff vnd sums schepel roghen vf Tornaus hoff, vor solche zynse vnd renthe alsedan das obgenante Closter vnd sine Vorweser zu Niendorp solange bisher in der Molen von vnsern Slosse Gardelegen gelegen gehat vnnd innegenomen haben. Solche obingeschriebene wid derstatunge vereygen wir auch dem obgenanten Closter zu ewigen zeiten vnd sezen vnd geben on darober die gewehr in craft disses briefes ane geuerde. Zu orkunde met vnsern anhangenden In- gesegel vorsegelt vnnd geben zu Tangermunde, nach Gots gebord viertzehen hundert Jar vnd darnah im sieben vnd vierzigsten Jare, am dienstage Sand Petri ad vincula tage. «u8 ®«rfen'« Dipl. vet. M. II, 112.