aus bret 3aljr, am 4. December 1354.

Wir von goths gnaden Otte, Erczebiscoff des Heyligen gothshusz zu Magdeburch, Ludowich der Romer, Marggraue zu Brandeburch, Rudolph der Jungher, Her- tzugezuSachsen, vnd srederich, Marggraue zu Mysne, Bekennen offenlich vnd tun kuntalien den, die diffen brieb sehen odir horin lesen, daz wir mit wolbedachten mute vnde gutem vorrate vnser heymelichen vnde lieben getruwen eynen landfride gemacht vnde bestalt haben, zu nutze vnde fride vnser lande vnde lude, in der mazse, alz'hir nach steyt bescriben. Were, daz Roubp, brant, name oder mort gesche an vnsern landen, an welchem vnserm daz zu schuldin qweme, darzu sullen alle vnsir voyde volgin vnde tun glicher wiz, alze sie daz selber anerurte, vnde sullen vbir die fridebrecher, roub vnd Rouber richtin nach rechtem, vnde vbir alle dy, die Rouber vnde Roub husin vnde houen mit hantbafftiger tat, vnde wo man die anekomit, da sal man sie angriffen, ane geuerde des gericbtes. Ouch sullen dieselben fridebrecher keyn geleyte haben in keyn Vnsern Steten, Sloszin odir gerichten. Wo aber die hanthafftige tat nicht en were, vnde nicht ein vor- lumut odir vorsprochen man were, So sal man in beschuldigen gein dem voyte, vnder dem er ge- sezsm odir wonhaftig ist, der sal von im helfen rechtis binnen fier wochen, die neist darnach volgin, vnde der, der beschuldiget wird, sal selbedritte vnschuldig werden; tete er des nicht, so sal man vbir in richten. Ist er obir ein vorsprochen man, so sal er daz bewisen selbesebende vnuorsprochener lute. Welch voyt des nicht enrichte vnde des ermanet wurde mit gutir wizlinschafft lines herren mannen, So sal man vbir den voit richten glicher wiz, alz vbir den sachwalden. Ouch sulle wirz halden vmb die vns vor den krigen beroubit haben, wo die betreten werden ane in vnsern sloszin, vbir die sal man richtin; Wurden sie ouch beschuldigit vmbe Roub, der hinnenuort gesche, so sullen

33

die voyte obir fie helffen, alz oben steyt bescriben. Were ouch, daz die Rouber geiagit wurden, vnde vfF SIoz odir in Stete gelazsin wurden vnde rechtis weiherten, da sal der odir de voyte, die fie iagin, vorbliben vnde ander vnser voyte mit alle irer macht zu volgin also lange, ab des nod gesche, daz wir selber darzu kommen. Vnde were, daz vnser voyte odir wir sulcbe Sloz gewunnen, die sal man brechen, vnde dy gud, die darzu gehoren, sullen deme herren bliben vnde volgin, in des herscheften die fint gelegin; Weren obir die Sloz fremder herren vnde die brechin, so sulle wir dy gud gtich vnder vns, die da volgin, teylen. Ouch ist geredit, were, daz vnser eyner die andern herren lute in sin land, so sullen sich die herren fir wochen mit iresselbens kosten besorgin, darnach sal der herre, die fie geladen haet, den andern herren kost geben vnde besurgen. Ouch sullen vnser voyte vnde wir, ab sin not geschiit, dem Roube vnde den Rouber volgin von vnsern landen Sechs mylen mit alle vnser macht, ane geuerde alz verne, als des not ist. Alle vnser voite, dy an den enten fint, da vnser land zusampne stozsin, sullen alle dy vorbescrebenen rede globen vnde sweren, stete, gantz vnde vnverbrochlichen zu haldene ane geuerde, vnde welch eyner vnser voite geandert wurde, so sal der, die nach im korait, daz selbe globen vnde Sweren, glicherwiz, alz iener getan hat, der an finer stat gewest ist. Ouch haben wir globet in guten truwen an eydis stat, Alle diffe vorbuntnisze vnde globde von winachten, die schirst komen, vbir dre gantze iar, die neist nach eynandir volgin, stete, gantz vnde vnverbrochlichen zu haldene, vnde globen daz Ane allirleye Argelist Mit Vrchkunde dizselben bribes, dar wir Alle vnser Ingesigele Angehangin haben, Der da gegeben ist zu Mersburch, nach Cristes gebort Dritzenhundert iar, In dem fir vnde funfftigeften iare, an Donrestage vor sente Nycolaus tage, des Heyligen biscoffs. 9tad) bent Drigjnal im ©tabtardit&e jit Jranlfiirt VIII, 3, 65 a.