Wir Albrecht etc., Bekennen offinbar in dissem brieue, daz vnser liebin getruwen heyne vnd Gheuerd, de Briste gehezzen, gebruder, myt vnsem fulborde vnd guten willen vorkoufft habin vff eynen wedderkouff den Erbaren, geistlichen herrn, hern Johanse, probiste, dem prior vnd dem Capittel gemeyne des gotishufis czu Jerchow funffczen schillinghe phenninghe geldes, zceyn scheffil hauern in deme dorfFe Redekyn vnd daz denst ufF den huuen vff dem velde da- selbiz, dar de vorgenanten herren vnd ire gotishus gereyte den eygenthum obir habin, mit allir nucz, fryheit vnd gerichte, als dye vorgenanten Briste dyeselbin gutere von vns vnd vnsem go- tisbuse czu lehene habin, vor achte mark silbers mit dissem vnderscheyde, daz dyeselben Briste vnd ire Erbin adir ab sy nicht weren, wir vnd vnse nakomelinge, Erczbisschoffe zu Meydeburg, dyeselben gutere vor daz vorgenante geld wedderkouffen mogen, alle iar uff sancte walburgen tag, wen wir willin vnd andera nicht, vnd wir setzen dye vorgenanten hern, den probist, den prior vnd capittel gemeyne des gotishuses czu Jerchow also in die gewere der vorgnanten guttere mit crafft diffes breues. Des czu orkunde habin wir vnser Ingesegil lazzen hengen an dislin brif, der gegeben ist nach Cristi gebort drytzenhundert Jar, in deme zcwen vnd nugenczigesten Jare, an sente lucas dage, des hilgen Ewangelisten.

HuS bent Sitterarium Srjb. SttbretbtS »on SMagbeburg de 1390—1437 (Sobiar. 9Jo. 39) f. 178 im tiJnigl. $rot».« 3frdji» ju SWogbeburg.