Von gotts gnaden wir Joachim, kurfurst etc., vnd Albrecht, gebruder, Marggrauen zu Brandemburg etc., Bekennen etc., das wir vnseren lieben getrewen Fridrichen pilgram vnd seinen menlichen leibs lehens Erben ein Capell, Im dorff Casel gelegen, mit dem dorff, Rensen gnant, darezu gehorig, vnd all seiner gerechtigkeitt, wie er das von michel von ko- ckericz, etwan zu Caszlo wanhaftig, erblich erkauft vnd vns, wie recht, abgetretten vnd ver lassen, zu Rechten manlehen gnediglich gelihen haben vnd leihen Ime vnd seinen menlichen leibs lehens Erben solich Capella Im dorff Ca ft ell gelegen mit dem dorff Rensen vnd all seiner ge- rechtigkeit, wie obstet, zu Rechtem manlehen In crafft vnd macht diczs briues, also das er vnd lein menlich leibs lehens erben Dieselb Capella mit dem dorff zu Rechtem manlehen haben vnd so offt es zu fall komet, von vns vnd vnser herschafft nemen vnd entpfahen, vns auch daruon hal- ten, thun vnd dinen vnd pflegen sollen, Als solicher lehen recht vnd gewonheit 1st. Beuelhen hir- auff genanten Fridrich pilgram, Das er, wann solch Capella mit einem priester verlediget, die furder verleyhen, ein priester presentirt, nottorfftiglich bestellt vnd vorsorget, vff das damit an ge- burlichen gotsdinften kein vorsewmnus geschee. Zu urkunt etc. Geben zu Coin an der Sprew, am Mantag nach diuisions Apostolorum, Anno etc. Septimo.

Relator Er Hieronymus, Erwelter zum Bischoff zu Brandenburg.

Wad/ bem Sfjurmarf. ?e&n«<So)>ialburfic XXX, 140.

139