Wy Matheus Vicke, proueft, Anna van Jagow, priorifle, Soffie Gans, vnderprio- rifle, vnde gantze gemeyn capittell des iuncfrowclosters Arentzehe bokennen vor vns, vnse na- kamen vnde sus vor idermennichlich, dat vns Cristoffer vnde FrederickHan, geuedderen tho Basedow, vor fick vnde van wegen orer broder vnde vedderen tho Basedow, tor noge ent- richtet hebben VIII0. gulden an munte, wo se vns vor vnse rechticheidt des dorppes Wargentin thogesecht vnde gelauet, luth eyns vordreges darop vpgericht vnde syn en guder botalvnge danck- bar, derhaluen wy gedachten H a n e n des summen vnde der entrichtunge hirmit qvidt, fry, leddich vnde los schelden, ock alle rechticheidt des dorppes, wo wy vnde vnse vurfarcn daran gehath, bir- myt verlaten, ock de segell vnde breue, wo wy derhaluen gehatt, one frywillig vorreiket vnde auer- gegeuen, sick des dorppes vnde sehe mit aller genuth vnnde gerechticheit tho gebruken, willen doch des hir bauen eynen svnderligen kopbreff der Han en erfflich vorsegelen, so balde de vns thogeschicket werdt, vnde ifft noch mer breue by vns weren edder gefunden worden hirop ludende, alsze den by dem kopbreue, den vnse frunde des klosters, alsze de van Jagow viide de radt der olden stadt So It we dell, nefen vns vorsegelen werden vnde schollen, vorreiken, vnde ifft de ock noch hirnamalls fvnden worden, vnduchtig schelden, wente wy an deme dorpe, kercklehn edder sehe gar nichts beholden. Des to orkonde hebbe wy vnses capittells vnde proustien ingesegell witligen hier vndergedrucket. Geschen tome Sture, amme sondagh Quasimodogeniti, imme XXXIIP™ iare.

SHf<6, Wtdltnh. 3a6rtil<$er XV, 198.