im 3a^re 1540.

Durchluchtigester, hochgeborner ffurste, gnedegester here, I. cf. g. synt vnse arme, willige, gehorsame, vnderdenige, plichtwillige denste stedesz voran boreit. Gnedegester Chorfurste vnd here! Wy armen hide geuen I. cf. g. klagend jn heger nottrofFt to erkennende, dat vnse gadeshuess jn der lentzensschen wisk gantz jn die elue vorgaen vnde vmme kamen, szo hebben wy mit sramer lude hulpe eyne nyge kerke gebuwet, besundern noch nicht togemuret vnde gedecket, ock hebbe wy nen gelt touorn van dem Gadshuse, dar wy muchten steyne vnd kalck mede kopen vnde rede buwen, allene jn der kercken wasz eyn monstrantz vnde kelck, dat sulflften heflft de Erbare vnd dogentszame frowe vrsell, Achim wcncksternen zeliger nagelatene wedewe, wech genamen vnde wyll vnsz szodansz nicht wedder voreicken vnde kumet der gantzen kercken tho. Szo wy dat sulfftige hadden, wolden wy idt eyn tidtlanck vorsetten vnde gelt darvp nemen, steine vnde kalck darmede kopen vnde de kerken rede maken, darmit de arme lande muchten Gadess wort horen vnde Misse darjn holden. Ock I. cf. g. Marschalk hefft hansz wencksternen eynen bofell jn jegenwardicheitt syner veddern gegeuen, dat he eyn upszen scholde hebben, dat de ker cken rede worde, dat sulfften weynich geachtet vnde angeszen vnde hansz wenckstern, szo he nene hulpe edder bystant hefft, let he idt ock staen. Dat kercke miichte velichte wedder vorfallen. Bidden derhaluen I. cf. g. demotlich dorch goet, I. cf. g. mogen de dogentszame frowe Achim wenksternen zeliger nagelatene wedewe mit ernste anholden, vnderrichten vnde schryuen, dat sze van stunt moge szodane monstrantz vnd kelcke vnsz vorantwerden, alse vorstender der kercken, szo willen wy szodansz mit weten vnd fulbort vnser juncker vorsetten vnde van stunt ane jennige vorsumeniffe steine vnde kalck szo kopen vnde kurtesz na Ostern de kerke rede maken. Ock I. cf. g. eyn ernst bofell eynen geuen, dan I. cf. g. geleuet, dat szodansz van der frowen gefordert wert, dat van fick to geuende I. cf. g. vnsz arme lude gn. Irhoren, dat Ion van gode almechtigen

57*

452

dar vor entfangende, dat wyllen wy arme lude vnde dat gantze Caspell vmme I. cf. g. nach vnsem armen vormogen lyuesz vnde gudesz alse de gehorsamen denstlick to vordenende. Ge- screuen am sondage judica, anno XL. jar. I. cf. gn. arme vnderdenige vnde gekorsame Clawesz lambrecht vnde hansz Schomaker, vorstender der parkerken in der wisk to Lenzen.

SRod) btm Original.