am 12. gebntac 1475.

Wy Albrecht etc., — Bekennen, — dat wy vnsen liuen getruwen Valentin vnde M er ten Wynse, gebrudern, Borgern jn vnser Stat Berlin, vnde alien eren m^nlicken Hues le- hens eruen to rechtem manlehne vnde to gesampter hant gnediglich verlegen hebben dat drudde deyl desser nagescreuen lehen, jerlicker tynse vnde Rente, als durch aueganck Hans Wynszs seligers, eres bruders, up lie gefallen vnde geeruet ysz vnde lie vormals solicke lehen alle von vns jn gesampt to lehne gehat vnde entpfangen hebben, mit nahmen dat dorp Blanckenborch mit den ouersten vnde neddersten gerichten, kercklehen vnde wagendinst, mit vpfarth vnde affarth, den ceyenden, Rockhunern vnde kosseten, huneren, mit aller penningk plege an Renten vnde tynsen vnde mit aller kornplege an roggen, gersten vnde haueren, mit Agkern, gewunnen vnde vngewun- nen, mit watern, wesen vnde weyden, gresingen, holten, busschen, struckern, horsten, mit alien gnaden, fryheyden, rechten vnde togehoringen vnde jm dorpe to Wardemberge vp Jorgen Wustrowen hoff vnde hufen elff schepel haueren vnde eyn vnde twintich groschen, vp Bartolomeo Schumans hoff vnde hufen jm dorpe darsuluest ok elff schepel haueren vnde eyn vnde twintich grosschen vnde wy verlyhen etc. — Ock hebben wy en desse gnade gedan, dat en sunderlicke wonunge vnde sunderlick Rock vnde brot an erer gesampter hant nicht to schaden komen schal ane alles geuerde. To orkunde mit etc. vnde Geuen to Coin an der Sprew, am Sondage In- uocauit, Anno etc. M° CCCC0 LXX quinto.

SRacb bem Cburm. ?ebn8Æo)>i<ti6ucbe, C. M. XXVI, 184.

341