Wir Joachim, von Gotts gnaden marggraf zu Brandenburgk etc. — Bekennen — Nach- deme das kloster Marienknechte zu Altenlandsberg von Ordenspersonen vorledigt vnd sonst an gebeuden auch desolirt vnd vorwustet, vnd dann daffelbyge etliche geringe ligende grunde an Acker, Wisen vnd Garten, fur vnd an Landsperg gelegen, dauon hernach gesatzt, gehabt, welche vnsere liebe getrewen der Rath vnd gemeine doselbs zu Altenlandspergk, von vnsern Visitatorn hiruor In raied genohmen vnd des vortrostet, das wo solche guther erblich vorkaufft werden, das sie den ersten vorkauf doran haben sollten, haben wir demnach berurtt Rathe vnd gantzen gemeine, dieselbigen guther erblichen vnd ewiglichen vor eine namhaffte Summa geldes, nemlich zwei hundert gulden, die sie vns dan baruber zugetzalt vnd betzalet, Der wir sie auch albereit quitiret haben, vnd hiemit zum Vberflus quitiren, vorkaufft. Als sonderlich eine Gabel- huffe Landes, vnd dann ein placke Landes, der knipergk genandt, einen Landtgarten, der Berg- garten genandt, vnd eine Wisen kegen dem berggartten vber vnd noch eine kleine Wisen am . Strauspergischen thore. Geben darauf gemeltt Rathe vnd gantzer gemeine zu Al ten Landsberg, Iren erben vnd alien auch Jeden nachkommenden, Recht, macht vnd gewaldt, solche benantte ge- kauffte guther von nun erblich eintzunehmen, zu halten vnd ewiglichen bey der Stadt zu haben vnd zu gebrauchen, des wir, vnser erben vnd nachkommenden Ine auch kegen meniglichs ansprache oder einrede wollen Rechte gewehre sein, Sie schadloss halten vnd vortretten, vnd behalten vns, ausser vnser furstlichen Hoheit vnd Obrigkeitt, daran nichts beuor, treulich vnd ane alles geferde.

491

Des zu Vrkunde haben wir vnser Insiegell vnten an dieseen brieff hencken lassen vnd geben zu Celln an der Sprew, Dornstags nach Exaltationis Crucis Christi, vnsers lieben Hern geburt Tausent funfhundert vnd Im funs vnd viertzigsten Jare.

Sign. Johann Weinleb. 9toc$ bent Original im ffleftye ber ©tabt.