Vor allszweme — Bekenne ick Henningh Wulssche thor Wenthmargke vor my, myne Husfrowe vnd rechten erven vnd ervea nakomelingen, dat ik mit wolbedachten mode, rade vnd fulborde myner frunde, vnd frundeliken mit Wille vnd willbriven mynes gnedigsten hern kur- furstens, to recht vnd redeliken verkofft hebbe vnd verkope Jegenwardigen Ihnn crafft vnd macht diffes brives dem Ersamen vnd vorsichtigen Petern Chrogern, burger tho Werben, Annen, syner Eeliken husfrowen, orer twier rechten erven, erves nakomelingen vnd hebberen disses brives mit ohren guden willen, Soss stucke landes van dem have, thor Wenthmargke belegen, by dor Thomherrn agker von havelberge, de do behoren thom have to Paryss vnd anscheten von dem Pariseschen wege wente dem Ruben agker ahn dem wele, vnd achte Stugken darnegst by

401

belegen, mit wischen vnd aller tobelioringen vnd de beteringe des Picklandes mith aller tobehore vor viff vnd vifftich margk hovethssumen stendelscher wehringe, alle Jhar upp Martini darvor to ge- vende, Jarliker Rentbc vnd pechte twe mark vnd druttich schillinge, dersulften stend. wehringe; Szo- dann viff vnd vifftich mark, Ich Henningk Wultzke von gnanlen Petern Crogern an reden getelleden gelde vnd eynen summen tor nuge wol entsangen hebbe, vnd in raynen vnd myner rechten ehrven nuth vnd frarnen gewendet Ihn sulcher mathen, dat de vorschreven agker mit den sulften hovethsunien von den werdigen, Achtbarn hern Dechant, Senioren vnd gantzen Capittel to Havelberge wedderkofft vnd Ingelosset isa, dusse twe mark vnd druttich schillinge vorschreueu stend. weringe, renthe, scall vnd will ich obgedachte Henningk Wultzsche, effte myn meiger, de den agker bedrifft, effte in nakomcn tiden vnder den ploch bedriven werdet, alle jar upp ba- vinbestnmeden termin, Sanct martini dach, gemelten Petern Crogern, Annen, syner Eeliken husfrowen, erer twier rechten erven edder hebbere desszes breves, mit ohrer twier fulbort vnd wil- len, szunder Jennich vortoch, hulperede effte Insage, Ihn der Stadt Werben boreiden vnd tor nuge betalen. Weret sodan bereidinge effte betalinge der tvvie mark druttich schillinge Jarlichs pachts upp vorschreven tidt nicht enschege, Szo schall vnd mach Peter Croger, Annen, sine ehtike husfrowe, orer twier rechten ehrven effter hebbere desses breves, panden edder panden lateu up den vorschreven agker, Wilsche, effte wat darto behed edder in mynen anderen guderen, de ich von mynen gnedigsten Hern Ihn syner kurfurstlichen Gnaden landen hebbe, Szunder alles rechts var vnd forderinge, so vele, dat szie to Ichlicher tidt der bedageden pechte an bekomen raogen, Szunder alle oren scaden, vnd ich hennigk Wultzsche effte myne erven, ohn an der pandinge neyn hinder wessen, szunder den scaden dulden. Geschege ock, datt de vorschreven agker mit der tobehoringe vnd raynen andern gudern vorwiistede worden, dat godt wende, soil Peter Chro- ger, Anna, szyne husfrowe, orer twie rechte erven, effte hebbere disses brives, macht vnd muthe hebben, den vorschreuen agker mit aller tobehoringe an to gripende, to plogende, odder eynen andern vnder den ploch to donde, dar ore jerlike pechte ahn to bekomede. Will ohn ock des kopes vnd der guder eyn recht gewer wessen, vor alle, dede vor recht komen, recht geven vnd nehmen willen, dar to ok vor dykent, dammenth, groffchen scoth, hoven gelt, Czise, ungeldt vnd alle plicht vnd vnplicht, fryg vnd loss holden, wes darup iss vnd namals up komen muchte. Hir- inne hebbe ich Henningk Wultzsche vor my, myne erven vnd erves nakomelingen eynen wed- derkop beholden, den wy schollen vnd willen vorkundigen dem gnanten Peter Chrogern, An nen, finer eelik hussfrowen, orer twier rechten erven effte hebbern desses brives, upp Sanct Jo- hannis Baptifte dach middensommer, vnd denne farth up schirstfolgenden Martini dach szodan viff vnd vifftich mark stend. wher. guder ganger munthe, mit alien bedageden vnd hinderstellirgen pechten, sounder Jennich qwadt behelp, geistlichs effte werltlichs gerichts, bynnen We rb en on in eyner summen, weddergeven vnd tor nuge belalen.. Wen sodan betalinge engafftig gescheen iss, Schall sodan agker, wo obgemeldt, van soleher pantschup qwid, leddich vnd loss syne, vnd ehr nicht. Duffze obschreven artikeln vnd Inhold desses breves lave ich Henningk Wultzsche vor my, myne erven vnd ehrves nakomeling stede, vaste vnde unvorborken wol to holdende, szunder Jenigliche arghelisth vnd qwadt geferde. Geschige ock, dussze briff was ane verfumnet were, effte werde In gedichte, effte eyn holl effte makell krige vnd Ingesigel unkentlich worde, schall genanten Peter Chrogern, Annen, syner husfrowe, effte hebberen desses brives nicht schedelik effte hin- derlich wessen, an pechten effte hovetsummen. To urkundt vnd merer bekanntnisse hebbe ich ob- genanter Hennigk Wultzsche witligk vor my, myne erven vnd erves nakommyn Ingesegel JKicbd'S Cod. dipt. Brand., @uWtemeut6anb. 51

402

laten hangen benedden an dessen mynen bref open, de gegeven vnd schreven iss rach Christi ge- bort dussent viffhundert, darna Ihm Negenteynten Jare, ahm dage Sancti Martini episcopi. Wad) finer 6em Jperrn Rafter S9artf<$ mitgetljeilteii 2lfcfd)rift be« Originate.