+ In nomine domini duodecimo anno principatus domni nostri iohanni et septimo anno principatus domni guaimari eius filio gloriosi principibus, mense magius octaba indictione. Ante me landenolfus comes causavit teudericus advocatorem ecclesie sancte marie cum disiio filio ingnoni presbiteri, ut ipse disiio malo ordine introisset in rebus que fuit stephani duracini et de uxore illius de locum mitiliano et peractum de eodem loco, et fobeas ibidem fecisset, et frudium inde tulisset, et rebus ipsa contrasset ad rectores ecclesie sancte treufime et predicte sancte marie. ad ec audientes ipse disiio adversus se causantes, responsum ei retdidit dicendum, ut in eodem loco plures rebus abere et tenere, set nescire unde cum eum causare. Unde inter eis iudicavi et utrisque illis guadiare feci, ut ipse teudericus plicaret se una cum dumnellus abbas predicte ecclesie sancte marie et cum rectores ipsius ecclesie sancte treufime, et ipse disiio plicarent se a sua parte et pariter super ipsa rebus pergerent cum iudicem et notario, et ipse teudericus monstraret ei de quale rebus cum eum causavi, et per partes plicarent se cum suis rationibus et iusta legem inter se inde finem facere. unde ipse teudericus posuit mediatorem petrus atrianensis filius leoni de pardum, et ipse disiio similiter posuit mediatorem petrus filius virini. et taliter scribere fecimus te iohannes notarium. + ego qui supra landenolfus.

Source Fulltext: Codex Diplomaticus Cavensis, vol. 3, 41-41, Estratto da ALIM