+ In nomine domini tricesimo anno principatus domni nostri gisolfi gloriosi principis, mense augustus quinta indictione. ideo que ego mulier nomine richarda filia quondam gaidenardi et primis fui uxor gaidelgardi filius radelperti, et sequentem abui virum bassus filius comperti habitatores de locum nuceria, dum me invalida infirmitatem iacere cognosco, et nisi divina misericordia mihi obviaverit, citius ab ac luce vitam finire spero, set tamen profiteor me plenam abere mente et recte loquere valeo; cogitavi enim, quomodo rebus mea disponere et iudicare, et qualiter post meum ovitum ipsas rebus mea pro meis salutis anime distributum fiat, et ut pleniter eos iudicare et perficere valerem, ego superius richarda feci exinde notitiam gaidoni et petri et achenolfi filiis meis, quem de ipso gaidelgardo priore viro meus genitis abui, et eis postulavi, ut mihi consentientes hunc adimplendum iudicatum testamenti; et ideo ab ipsi filiis meis sum exaudita et ante presentia maioni castaldi et ante aliis subscribti testes ipsi nominati filiis meis mihi fuerunt consentientes. et ideo ego superius richarda et una mecum ipsi predicti filiis meis unanimiter parique consensu tradidimus tibi gaidenardi sacerdoti rectorem ecclesie sancti marcelli, que situs est in eodem locum nuceria, tote et inclite ambabus ipse quarte, quem per meus morginchap . . . acceptura de omnibus rebus substantiis ipsorum gaidelgardi et bassi qui fuerunt viri mei; in eo ordine, ut si iohannes et lando germani filii ipsius bassi infra septem dies post meum ovitum dederit vobis sibe ad hominem, aput quem iste scriptus paruerit, quattuor aurei boni, tunc ipsa quartam, quem me de ipse casa fabrita ipsius bassi contangere debet, qui sunt a super ipsa turre mediana domnica, remittite ad illorum potestatem cum finis et vias suas ad securiter et firmiter ipsi germani et illorum eredes illos abendum et faciendum omnia, que eis placuerit absque omni nostra mater et filiis et de nostris eredibus contrarietatem et requisitionem; et ipsa terra cum ipsa casa lignitia, que est in ipso ortale a super ipsa curte que fuit ipsius bassi viro meus, inclitam casa et terra ipsa, ubi ipsa casa posita est, firmiter abeatis vestre potestatis, ad faciendum exinde omnia que volueritis, et omnia et qualiter illud dederitis, stabilis permaneat omni tempore absque omni requisitionem nostra nominati mater et filii et de nostris eredibus; et ipso aliud, qui remanserit de ipsa quarta de rebus eidem bassi, et tota ipsa quarta, que me de rebus nominati gaidelgardi contangere debuit, sit in vestra potestatem in ea ratione, ut si ipsi nominati gaido, petrus, achenolfus et gaiderisi filiis meis infra dies septem post meum ovitum dederit vobis sibe ad hominem, aput quem iste iudicatus paruerit, sex aurei tari boni, tunc illud remittite ad illorum potestatem at securiter illis et eorum eredibus eos abendum et faciendum omnia que eis placuerit. et si infra septem dies post meam defunctionem ipsi nominati iohannes et lando et ipsi filiis meis predicti tari, qualiter superius dictum est, vobis non dederit, tunc licentiam et potestatem abeatis vos qui supra gaidenardus sibe homo ille, aput quem iste scribtus paruerit, ambabus ipse quarte inclite de omnibus rebus, que fuit ipsorum gaidelgardi et bassi viris meis, venundare, quomodo melius potueritis et deus vobis inspiraverit, et qualitercumque inde dederitis, firme et stabilis permaneat omni tempore, et quantum pretium de predicte ambabus quarte tuleritis, distribuite illud in ipsa congregatione de nuceria. de quibus obligavimus nos superius mater et filii et nostris filii et eredes, ut si de omnia, quomodo superius disposui et iudicavi, aliquid exinde remobere et retornare vel minuare inde quesierit, ad compositionem siant obligatus ille qui talia egerit ad componendum ad hominem, aput quem iste scribtus paruerit, quinquaginta aurei solidos, et illorum questio modis omnibus tacita inde permaneat omni tempore. et te guisonem subdiaconum et notarium scribere rogabimus. actum nuceria. + ego qui supra maio + ego madelfrid

Source Fulltext: Codex Diplomaticus Cavensis, vol. 2, 9-11, Estratto da ALIM