+ In nomine domini quarto anno principatus domne gemme et domni paldolfi optato filio eius gloriosi principis, mense december sexta indictione. Declaro ego pando divina protegente clementia presul sancte sedis pestane, quoniam preteritis dedi ad omnes atrianenses per convenientiam per cartula de res de lucaniense finibus da vallone, ubi fontana est in arenosa, et parte orientis usque duo flumina, et da mare in supra in omni loco miliaria dua. Modo quidem venerunt ad me homines atrianenses tam pro se, quam et pro alios atrianenses, qui ad navicandum sunt, qui dixerunt michi, ut, si dederimus eorum de res ibique coniuncta, idest da ipsa duo flumina, et usque locum qui dicitur mansilia, et da mare in supra latitudo in omni loco miliaria quadtuor, et da ipsa duo flumina in parte occidentis usque aqua, que dicitur vellonicu, et da ipsa priore fine da ipso vallone, et fontana da ipsa arenosa pergente in partem occidentis usque aqua, que dicitur silefone, et da mare in supra pergente per ipso vellonicu longitudo da ipso villonicu et usque in ipso silifone da mare in supra in omni loco miliaria tria, et da ipso vallone de ipsa arenosa, quod est priore fine, in omni loco da mare in supra miliaria quadtuor, et da ipsa fine priore, da unde ipsa priore carta continet, in supra in omni loco usque ipsa dua flumina latitudo miliaria dua, Ita ut cum illud, quod ipsa priore cartula continet, da ipso vallone de ipsa arenosa et usque ipsa dua flumina, et da mare in supra semper sit in omni loco miliaria quadtuor, et dare exinde a pars nostri episcopii argentum libras mille quinquaginta. tunc cepimus exinde habere colloquium cum richardus notarius advocatorem nostrum et cum iohannes presbiter et vicedomnus nostri episcopii et cum cleros nostros. Inito consilio, comparuit nobis dare ipsa res, et reciperemus ab aliis ipso argentum, unde faciamus plures lavores in ipso episcopio ea que nobis necessaria sunt. et ideo super ipsam res cum ipsum advocatorem, et cum ipsum vicedomnum, et cum petrus iudex, et cum alios vonos homines perreximus, et cum summa diligentia illud adpretiabimus esset valientem argentum libras mille. Cum autem exinde fuimus reversi intus ec civitate salerni et omnia per ordine supradictis magni principibus nuntiabimus, ipsi vero a deo conservatos principibus, dum agnoberunt, quod bonum pars nostri episcopii ebenire, absolutionem nobis dederunt convenientiam ista facere, et ipsius petri iudici precepimus inter nos exendum. post oc factum, ego superius dictus pando domini misericordia pontifex, una mecum adesse ipse advocator et vicedomnus ante presentiam ipsius iudici, et ante alios testes per convenientiam per hanc cartam tradimus vobis ad omnes suprascripti atrianenses vice vestra et vice de alii atrianensi, qui ad navicandum sunt, omnes supradicte res, quantum supra diximus extra illud, quod superius per ipsa carta vobis datum habuimus, ad securiter, et firmiter amodo et semper vos homines atrianenses et vestris heredibus illud habendum, dominandum, possidendum et omnia exinde faciendum quod volueritis. Unde pro confirmanda et staviliscenda anc nostra tradictione a presenti recepimus a bos ipse mille quinquaginta libres argentei, sicut inter nos convenit: finitaque vero argentum ipsum aput nos, ex qua re promictimus, et per vona convenientia obligo me superius dictus pando, et meos successores, et pars ipsius episcopii amodo et semper antistandum et defensandum vobis omnibus atrianensis et ad vestris heredibus omnis supradicta tradictio ab omnibus hominibus omnique partibus. quod si taliter, ut dictum est, semper illud vobis, vestrisque heredibus non defensaberimus, aut si nos vel successores nostros, aut pars ipsius episcopii illud vel exinde vobis vel ad vestris heredibus tollere aut contrare, seu remobere quesierimus, vel aliqua causatio vobis vel ad vestris heredibus exinde emiserimus. Tunc per bona convenientia obligo me, meosque successores et pars ipsius episcopii componere vobis vel ad vestris heredibus quadtuor milia libras argentei. et tali ordine illud vobis traditimus, ut si quis de omnes suprascripti atrianenses sortionem, quod de ipsam res per unumquenque advenerit, aut evenire debuerit, vobis aut vestris heredibus daturo, aut vindituro abueritis, inter vos illud vindite ad iusto valiente pretiu, et si forsitans infra dies triginta noluerit illud emere inter vos ad iusto valiente pretiu, Tunc liceat vos illud dare cui volueritis; nam si infra ipso constitutu per quamvis modis cuicunque illud vel exinde dederitis sic, ut de potestate eius fuerit substractum, tunc sine pretium revertar illud, quod datum paruerit, ad omnes supradictos atrianenses et ad eorum heredes; et si quis ex vos ex omnibus suprascripti, et vestris heredibus sine herede defunctis fueritis, et ipsa sua sortione in suprascripta ordine non fuerit data, Tunc similiter revertar ad potestatem de omnes suprascripti atrianensis, et de eorum heredes. Veruntamen hoc memoramus, quia quantum preteritis per vicaria de supradicta res a pars ipsius episcopii infra ipsa quadtuor miliaria datum fuit constantini filio sergii comitis, et per alia sua ratione habere illud sivi ipse constantinus et eius heredes, sicut ipsa carta vicariationis eius continet, et ipsa sua monimina, vel rationes, et de ipso aliut tollat sortionem per rationem, Ita ut ipse constantinus et eius heredes ipsa vicaria ante sortem habeat cum illud, quod ipsa sua ratione continet; quam te arechisi notarium scribere rogavimus. actum salerni. ego qui supra pando episcopus. ego qui supra petrus iudex. ego lambertus. ego superius dictus ricardus notarius. ego qui supra iohannes presbiter

Source Fulltext: Codex Diplomaticus Cavensis, vol. 2, 111-113, Estratto da ALIM