+ In nomine Domini. Vicesimo [quinto anno pri]ncipatus domni nostri Gisulphi gloriosi principis, mense aprili quarta indictione. Ante me Petrum iudicem Risus filius quondam Iaquinti, qui fuit habitator de loco Correiano et Aloara uxor eius filia quondam Petri de loco Pastorano, pro amore omnipotentis Dei et salute animarum suarum, sicut eis congruum fuit, bona eorum voluntate, per hanc cartulam offeruerunt in eclesia que constructa est intra hanc Salernitanam civitatem supter et secus plateam que ducit ad portam que Rotensis dicitur ad honorem sancte Sofie, in qua domnus Muscatus venerabilis abbas prehordinatus est, integras omnes res stabiles quas ipsis Riso et Aloare viro et uxori quomodocumque fuerunt et sunt pertinentes in ipso loco Correiano et per fines et vocavula et pertinentias ipsius loci in montibus et in planis, cum omnibus que intra eas sunt cunctisque earum pertinentiis et cum vice de viis suis et cum omnibus muniminibus ex eo continentibus. ea ratione ut semper sit in potestate ipsius abbatis et successorum eius et partis ipsius eclesie, et liceat illum et successores eius et partem predicte eclesie de eo facere quod voluerint. et per convenientiam ipsi Risus et Aloara cum voluntate ipsius Risi viri sui, cum qua omnia que in hac cartula scripta et scribenda sunt fecit, guadiam ipsi abbati dederunt et fideiussores ei posuerunt se ipsos, et per ipsam guadiam obligaverunt se et suos heredes semper defendere ipsi abbati et successoribus eius et parti ipsius eclesie integrum illud quod in ipsa eclesia sicut suprascriptum est offeruerunt ab omnibus hominibus, et tribuerunt licentiam ut, quando ipse abbas et successores eius et pars iamdicte eclesie voluerint, potestatem habeant illud per se defendere qualiter voluerint cum omnibus muniminibus et rationibus quas de eo ostenderint. et si sicut superius scriptum est ipsi vir et uxor et illorum heredes ipsi abbati et successoribus eius et parti ipsius eclesie non adimpleberint et suprascripta vel ex eis quicquam removere aut contradicere presumpserint, per ipsam guadiam et convenientiam, dum idonei homines interessent, obligaverunt se et suos heredes componere ipsi abbati et successoribus eius et parti ipsius eclesie centum auri solidos constantinatos. tantum dum ambo ipsi vir et uxor vel unus ex eis vixerint, integram ipsam offertionem usufruendi nomine teneant et de usufructu quod de ea exierit faciat quod voluerit; ad obitum vero ipsorum viri et uxoris, si filium vel filiam ex eadem coniunctione remanserit, integras duas partes ex ipsa offertione sit in potestate ipsius filii vel filie eorum qui ex eadem coniunctione remanserit et heredum eius, ad habendum et faciendum ex eis quod voluerint. verumtamen hoc memoramus ut, si filius vel filia ex ipsa coniunctione ut suprascriptum est remanserit, non habeant ipsas duas partes ex ipsa offertione sicut suprascriptum est, sed integras ipsas res stabiles quas ut suprascriptum est offeruerunt ipse filius aut filia eorum qui post eorum obitum ex ipsa coniunctione remanserit et ex eis legitime descendentibus ad laborandum teneant et eas laborent sicut meruerit, et de frudiis quibus ex eis exierit integram tertiam partem ipsius ecclesie partis tribuant et relique due partes sibi habeant et faciant quod voluerint. et ipsi vir et uxor sua potestate reserbaberunt inclitam peciam de eodem loco ubi dicitur ad Dardani, que ab oriente ad cabam coniuncta est, in hoc hordine ut, si quolibet tempore illam vel ex ea vendiderint, tunc de eo quod ex eo tulerint medietatem dent parti ipsius eclesie et medietatem sibi habeant et faciant ex eo quod voluerint, nam non liceat eos illam vel ex ea alio modo alienare nisi per venditionem; et si eam non vendiderint ut suprascriptum est, post obitum eorum sit in potestate partis ipsius eclesie in omni hordine et tenore sicut et ipsis aliis rebus, sic tamen ut cum eam vendiderint, tollant de ea pretium quantum melius potuerint et medietatem de eo parti ipsius eclesie tribuant et medietatem aliam sibi habeant. et duas cartulas unius tenoris, hanc quam ipsi vir et uxor retinent et aliam pars ipsius eclesie te Romoaldum notarium scribere precepi, addens illud quod superius inter virgulos scriptum est quoniam legitur que ab oriente ad cabam coniuncta est. S. verumtamen hoc memoramus quoniam de suprascripta offertione ipsi vir et uxor exceptuaberunt integram terram cum castaneto ubi Capaczana dicitur, quam vendiderunt Petro qui dicitur de Mira, ad habendum eam et faciendum ex ea ille et eius heredes quod voluerint. Et hoc te ipsum Romoaldum notarium subiungere precepi. S. + Ego qui supra Petrus iudex. S.

Source Fulltext: Codex Diplomaticus Cavensis, vol. 09, 59-61, Estratto da ALIM