Decimam et undecimam scriptas per ipsum Iohannem notarium vicesimo quinto anno principatus suprascripti domni nostri Gisulfi, mense nobembri quinta indictione. Unam earum qualiter ante me suprascriptus Alfanus filius Leonis et Maurus filius eius coniuncti fuerant cum ipso Theofilo abbate predicte ecclesie Sancti Nikolay, et per ipsos Alfanum et Maurum ostense fuerant suprascriptæ sexta et septima cartulæ. quæ, cum ostense fuerant, ipsi Alfanus et Maurus, sicut eis congruum fuerat, per ipsam cartulam, dum ydonei homines interessent, venumdederant ipsi Theofilo pro parte ipsius ecclesiæ totas et integras ipsas res, quæ et qualiter ipsi Alfano datæ ac traditæ fuerant ab ipso Praxio in eodem loco Salicto per ipsas fines et mensuras velut ipsæ cartulæ continebant, cum omnibus quæ intra eas erant cunctisque suis pertinentiis et cum vice de viis suis et cum ipsis cartulis, ut integra ipsa venditio semper esset in potestate ipsius Theofili et successorum eius et partis ipsius ecclesiæ, et licentiam haberent de ea facere quod vellent, sicut ipsa cartula continet, in qua ego et Iohannes et Iohannes notarii subscripti sunt.

Source Fulltext: Codex Diplomaticus Cavensis, vol. 09, 75-76, Estratto da ALIM