+ In nomine domini nostri Iesu Christi. Anno ab incarnatione eius millesimo septuagesimo secundo et tricesimo anno principatus domni nostri Gisulfi gloriosi principis, mense iunio nona indictione. Ante me Petrum iudicem Bonifacius clericus et abbas ecclesie Beati confessoris adque pontificis Maximi, que construncta est intra hanc civitatem in plaio montis, coniunctus est cum Albino clerico filio quondam Falconis et per convenientiam, per iussionem suprascripti abbatis, Iohannes clericus eiusdem ecclesie filius quondam Ursi presbiteri pro parte suprascripte ecclesie tradidit eidem Albino de terris pertinentibus suprascripte ecclesie integram terram, intra quam ipse Albinus de sua lignamina casam constructam habet, que de duabus partibus coniuncta est ad andita eiusdem ecclesie pertinentia et de tertia, scilicet a septemtrione, ad terram cum hortum suprascripte ecclesie pertinentem, de quarta vero ad via comune. ea ratione ut amodo et usque completos annos viginti et nobem ipse Albinus et suos heredes et his qui ab eorum parte ibidem habitaberint, integram suprascriptam traditionem qualiter suprascriptum est per suprascriptas fines cum vice de ipsis anditis et via teneant et dominent, foveas et omnes suas utilitates ibidem faciant qualiter voluerint iusta ratione et ipsam casam, quando voluerint, licentiam habeant conciare et per circoitum unde meruerit claudere et de super cooperire qualiter voluerint; et, si voluerint, potestatem habeant in ipsa casa solarium facere in altum quantum voluerint et conciare et cludere et cooperire qualiter voluerint iusta ratione, et potestatem habeant super ipsis anditis et via in altum iusta ratione mineaneum construere et scalam ligneam iuxta ipsam casam ponere et habere iusta ratione. et in ipsam casam resideant et habitent et aliis quibus voluerint illam vel ex ipsa ad residendum et habitandum cui voluerint prebeant; et omne censum et tributum et dationem et quicquit ex eadem traditione ipse Albinus et suos heredes tollere et habere potuerint, amodo et usque completos ipsos annos totum illud sibi habeant faciendum quod voluerint. tantum omni anno de suprascripto mense ipse Albinus et suos heredes dent ipsi abbati et eius successoribus et partibus suprascripte ecclesie censum pro suprascripta traditione quattuor auri tarenos bonos de moneta tunc in hac civitate publice figurata usque completos ipsos annos. et per convenientiam, dum ydonei interessent homines, ipse Albinus guadiam ipsi Iohanni pro parte suprascripte ecclesie per imperium eiusdem abbatis dedit et fideiussorem ei pro illius parte posuit Alfanum presbiterum fiiium quondam Petri de Dumnello, et per ipsam guadiam obligavit se et suos heredes adimplere ipsi abbati et eius successoribus et partibus suprascripte ecclesie omnia sicut suprascriptum est amodo et usque completos ipsos annos. completis vero omnibus ipsis viginti et nobem annis amodo numerandis, ipse Albinus et suos heredes et his qui ab eorum parte ibidem habitaberint, licentiam habeant ex eadem traditione abstraere omnes res suas et medietatem de tota lignamina suprascripte case et portare illud ubi voluerint, et ipsam terram integram et medietatem alteram de tota suprascripta lignamina suprascripte case cum integris pilis fabricatis ipsius case partibus suprascripte ecclesie remittant; et si ipse Albinus et suos heredes ipsa medietas sua de suprascripta lignamina tunc vendere voluerint, non habeant licentiam absque solutione partibus suprascripte ecclesie aliquomodo alienare, set partibus suprascripte ecclesie illam vendant iusto pretio, si pars eiusdem ecclesie illam emere voluerint et iusto pretio pro ea eis dederint. et si sicut superius scriptum est ipse Albinus et suos heredes ipsi abbati et eius successoribus et partibus suprascripte ecclesie non adimpleverint et suprascripta vel ex eis quicquam removere aut contradicere presumpserint, per ipsam guadiam obligavit se et suos heredes componere ipsi abbati et eius successoribus et partibus suprascripte ecclesie viginti auri solidos constantinatos. suprascripto disturbato legitur moneta. Et taliter tibi Iohanni notario scribere precepi. S. + Ego qui supra Petrus iudex. S. + Ego qui super Bonifacius clericus et abbas. + Ego Petrus notarius me subscripsi. S.

Source Fulltext: Codex Diplomaticus Cavensis, vol. 09, 332-334, Estratto da ALIM