+ In nomine Domini. Primo anno principatus domini Gisulfi gloriosus princeps, mense iulius nona indictione. Ideoque nos i sumus Indolfus et Sicenolfus et Iohannes et Duranti germani et fili Siconi, conspirati sumus per divina providentia et perreximus Roma at oratione sancti Petri apostoli domini nostri Iesu Christi at plangendas peccata nostra et de genitoribus nostris et parentum nostrorum. cum autem itinere fecimus, venimus Sancti Pauli apostoli et invenimus ibi domino Petri abbate Sancte Trinitatis de Cabe qui magnum onor nobis fecit et confexiones ab illo de nostra facinora accepimus et nimium pondus pro nos accepit et in societate et beneficio sancti monasterii Sancte Trinitatis nos et nostris parentibus recepit; set tamen, cum nos prenominati germani Indolfus et Siconolfus et Iohannes et Duranti ab illo venerabili abbate talem bonitatem vidimus, at mentes nostras reversi sumus et clarificabimus nos prenominati germani abere una ec[clesia] vocabulum Sancti Nicolai in pertinentie civitatis nostre Diani in loco Scaulano, que a nobo fundamine ipso superdicto genitor noster illam in propria rebus sua edificavit. modo vero intus civitate Dianense ante subscripti testis, per divina inspiratione et per consilium bonum quod consiliati sumus per Dei nutum, statim offeruimus ipsa superdicta ecclesia nostra Sancti Nicolai de loco Scaulano cum omnes rebus supstantie sue stabile seu mobile seu et cum ipse parationes que abet et in antea abiturus est et una illum recipiendum superdicto benerabili abbas pro vice de superdicta ecclesia Sancte Trinitatis, ut amodo et in antea ipsa superdicta ecclesia Sancti Nicolai cum omnes rebus supstantie sue que abes et in antea debes acquirere sub vestra fiat potestas pro vice de predicta ecclesia Sancte Trinitatis. eo namque ordine ut, dum Deus vita sua nobis concesseris, in nostra fiat potestas ut nos illam ordinemus et gubernemus at onorem sancte Ecclesie et in nostris manibus fiat et, si qualiter de nos prenominati germani vestem monachile se induere voluerit, potestatem abeam pergendi at superdicta ecclesia vel ibi requiessendi sine omni contrarietates vestras cui superdicto domino abbate vel de vestris posterioribus seu de quorumcumque hominum; post nostrum vero dissessum de nos qui superdicti germanii ipsa superdicta ecclesia Sancti Nicolai cum omne suum conquisitum quod nunc habes et in antea debes atquirere sub potestas vestras domino abbate et de vestris posterioribus fiat pro vice de superdicta ecclesia Sancte Trinitatis et defendamus illam vobis da omnes homines omnique partibus. unde pro securitate de superdicta ecclesia et vestra nos qui superdicti germani gudia tibi cui superdicto domino abbate dedimus et mediatoribus vobis posuimus Siconolfus filius Grimaldus et Landolfus filius Sicelfrida et Landolfus filius Sicone et Odemanno filius Docibile, ut nos et nostris heredibus defendamus vobis et at vestris posterioribus ipsa superdicta ecclesia cum ipsa paratione vel cum rebus suis pro vice de superdicta ecclesia Sancte Trinitatis. sin autem noluerimus illut vobis defendere omnia que superius legitur vel si nos ipsi per quovis modis vel ingenio illut removere aut dirrumpere seu retroare aut diminuare vobis exinde quesierimus, obligati siamus nos et nostris heredibus at componendum vobis et at vestris posterioribus pro vice de superdicta ecclesia quinquaginta solidos aurei constantini et perinbitis adimpleamus vobis omnia que superius legitur et insuper fiant escomunicati da Patre et Filio et Spiritu Sancto et abeant pars cum Iudas proditor domini nostri Iesu Christi. Quod in eo ordine ego Siconolfus presbitero et notario hunc brebem scripsit. S. + Ego Sigismundo diaconus. + Ego Amatus presbiter.

Source Fulltext: Codex Diplomaticus Cavensis, vol. 09, 382-384, Estratto da ALIM