+ In nomine domini nostri Iesu Christi. Anno ab incarnatione eius millesimo septuagesimo quarto et tricesimo secundo anno principatus domni nostri Gisulfi gloriosi principis, mense ianuario duodecima indictione. Nos Iaquintus filius quondam Filippi et Balsama filia quondam Sillicti, vir et uxor, coram idoneis ominibus coniuncti sumus cum Iohanne presbitero rectore ecclesie Beati confessoris Nicolai, que constructa est subtus et prope castellum vetus Caputaquis ubi Casavetere dicitur, et ipsa ecclesia cum omnibus rebus stavilibus et movilibus ipsi ecclesie pertinentibus pertinet domno Gregorio filio quondam domni Paldulfi filii domni Guaimarii principis, et sicut nobis congruum fuit, nostra voluntate per anc cartula mercedis causa obtulimus in prefata ecclesia integras omnes res stabiles quecumque nobis aliquomodo pertinentes sunt et fuerint intra civitate novam Caputaquis et per cunctas fines et vocabula et pertinentias Caputaquenses cum omnibus earum pertinentiis et cum moniminibus ex eis continentibus. ea ratione ut proprietas omnium ipsarum rerum semper sit in potestate partium suprascripte ecclesie et partes ipsius ecclesie licentiam abeant de ea facere quod voluerint. usumfructum vero earum abeamus nos suprascripti Iaquintus et Balsama, vir et uxor, et liberi nostri masculi de legitimo coniugio, et nos et liberi masculi legitimi qui ex nobis sunt et fuerint res ipsas teneamus et utamur atque fruamur ut iustum fuerit, et de ipso usufructu faciamus quod voluerimus, et nos et ipsi liberi nostri semper sub dominio et defensione partium suprascripte ecclesie permaneamus quemammodum secundum consuetudinem istius terre liberi omines sub aliorum dominio et defensione manere et esse videntur. et omni anno in festibitate sancti Nicolai demus ad partem suprascripte ecclesie censum tarenos bonos quattuor de moneta que illis diebus per anc terram iherit; defunctis vero nobis ambobus et ipsis liberis nostris, ita ut nullus ex eis masculus de legitimo coniugio supersit, tunc ipse ususfructus extinguatur et ad suam proprietatem redeat. set et si nos vel ipsi liberi nostri ex ac terra exierimus in aliis partibus ad abitandum, tunc similiter ipse ususfructus extinguatur et ad suam proprietatem redeat; tantum, si intra octo annos reversi fuerimus ita ut sicut dictum est sub dominio et defensione partium suprascripte ecclesie maneamus, rursus ipsarum rerum ususfructus ad nostram potestatem in suprascripta ratione revertatur et annualiter nos et ipsi liberi nostri iamdictum censum demus sicut suprascriptum est. et per convenientiam nos iamdicti vir et uxor, tamen ego Balsama cum voluntate ipsius viri et mundoalt mei cum qua omnia que in ac cartula scripta et scribenda sunt feci, guadiam suprascripto Iohanni pro parte ipsius ecclesie dedimus et fideiussorem ei posuimus Iohannem qui dicitur de Sarapita filium quondam *** et per ipsam guadiam obligamus nos et iamdictos liberos et eredes nostros semper defendere ad partem suprascripte ecclesie integrum illud quod in ipsa ecclesia sicut suprascriptum est obtulimus in suprascripta ratione ab omnibus ominibus, et tribuimus licentiam ut quotiens partes ipsius ecclesie voluerint, potestatem abeant illud per se defendere qualiter voluerint cum omnibus muniminibus et rationibus quas de eo hostenderint. et si sicut superius scriptum est nos et liberi et eredes nostri partibus suprascripte ecclesie non adimpleverimus et suprascripta vel ex eis quicquam removere aut contradicere presumpserimus, per convenientiam per ipsam guadiam obligamus nos et nostros liberos et eredes componere partibus suprascripte ecclesie quinquaginta auri solidos constantinatos. inter duos virgulos legitur "et eredes". Et duas unius tenoris cartulas anc pro parte ipsius ecclesie et aliam pro parte nostra te Maraldum clericum et notarium scrivere rogavimus qui interfuisti. S. + Ego Petrus diaconus. + Ego Iohannes diaconus.

Source Fulltext: Codex Diplomaticus Cavensis, vol. 10, 79-81, Estratto da ALIM