+ In nomine domini nostri Iesu Christi. Anno ab incarnatione eius millesimo septuagesimo quinto, et tricesimo tertio anno principatus domni nostri Gisulfi gloriosi principis, mense augusto duodecima indictione. Ante me Petrum iudicem Adelarius filius quondam Romoaldi coniunctus est cum Iohanne et Sergio germani filii quondam Ursi Atrianensis, qui dictus est de Auro, et per ipsum Adelarium ostensa sunt scripta que feci legere, continebant: Ego Adelarius filius quondam Romoaldi feci duas sortes de integra terra cum insiteto et viscilieto quam comune habeo cum Iohanne et Sergio et Constantino germanis ac filiis quondam Ursi in loco Transboneia, unam in parte meridiei et alteram in parte septemtrionis. ipsa sors a parte meridiei est per fines et mensuras: a parte orientis finis via que ducit ad Vitamenia, et passus triginta; a parte meridiei finis viam que descendit per medium torum et passus nonaginta nobem; a parte occidentis est finis mea et passus decem et octo; a parte septemtrionis finis ipsa altera sors et passus octoginta quinque. ex hoc feci unam sortem cum vice de ipsis viis. ipsam alteram sortem ab ipsa parte septemtrionis feci per fines et mensuras: ab ipsa parte orientis finis ipsa via et passus viginti duo; ab ipsa parte meridiei finis ipsa sors; ab ipsa parte occidentis finis aliquantulum mea et aliorum passus viginti; a parte septemtrionis finis mea et passus septuaginta duo, qualiter descendit et coniungit in ipsa via priore fine; ex hoc feci alteram sortem cum vice de ipsa via, suprascriptis mensuris iusto passu hominis mensuratis. Cum autem ipse scripte ostense fuerunt et lecte, sicut inter eos convenit, prius ipsi germani Iohannes et Sergius pro parte sua et ipsius Constantini germani eorum compreenserunt ipsam sortem que est ab ipsa parte meridiei per suprascriptas fines et mensuras, qualiter suprascriptum est, cum omnibus que intro eam sunt cunctisque suis pertinentiis et cum vice de ipsis viis, ea ratione ut semper sit in potestate ipsorum germanorun Iohanni et Sergii et Constantini et heredum eorum, et illi et illorum heredes licentiam abeant de ea facere quod voluerint. et ipse Adelarius compreensit ipsam sortem integram que est ab ipsa parte septemtrionis per ipsas fines et mensuras, qualiter superius eam esse fecit, cum omnibus intro eam abentibus cunctisque suis pertinentiis et cum vice de ipsa via, ea ratione ut semper sit in potestate ipsius Adelarii et heredum eius et liceat illum et eius heredes de ea facere quod voluerint. et per cnnvenientiam ipe Adelarius guadiam ipsis Iohanni et Sergio pro parte eorum et ipsius Constantini germani eorum dedit, et fideiussorem eis pro sua et illius parte posuit Dumnellum cognatum suum filium quondam Iaquinti; et per ipsam guadiam obligavit se et suos heredes semper permanere cum ipsis germanis Iohanni et Sergio et Constantino et eorum heredibus in suprascripta divisione qualiter suprascriptum est, et non querant illam vel ex ea removere aut contradicere et si ipse Adelarius et suos heredes cum ipsis germanis Iohanni et Sergio et Constantino et eorum heredibus in suprascripta divisione qualiter prelegitur firmiter non permanserint et suprascripta vel ex eis quicquam removere aut contradicere presumpserint, per convenientiam et per ipsam guadiam obligavit se ipse Adelarius et suos heredes componere ipsis germanis Iohanni, Sergio et Constantino et eorum heredibus quinquaginta auri solidos constantinatos et in suprascripta divisione qualiter prelegitur semper firmiter permanere. Et taliter tibi Iohanni notario scribere precepi. S. + Ego qui supra Petrus iudex. S.

Source Fulltext: Codex Diplomaticus Cavensis, vol. 10, 124-126, Estratto da ALIM