+ In nomine domini Dei salvatoris nostri Iesu Christi. Imperante domino nostro Michaele et Constantio Porfirogenito et Andronico magnis imperatoribus anno septimo die octaba mensis decembrii indictione tertiadecima. Neapoli. Certum est me Iohannes qui supranominatur Capuano filium quondam domini Gustabili postmodum monachus et quedam domina Garofala iugalium personarum, ego autem cum consensum et voluntate suprascripta genitrice mea, a presenti die prontissima voluntate pro Domini ammore et pro mercedis et salbationis anime de suprascriptis iugalibus genitoribus meis et pro anima quondam Benedicti uterini germani mei seu et pro anime mee, ut ic et in futuro saeculo requie inbenire baleamus aput eternum iudicem, offero et trado tibi domino Stephano venerabili presbytero Capuano custus ecclesie mee et de heredes quondam praescripti uterini germani mei vocabulo beate et gloriose Dei genitricis semperque virginis Marie domine nostre, quam a nobo fundamine construximus intus illa arcora de Aquariola et dicitur nomine Ierusalem et per te in suprascripta ecclesia vestra ad habendum in sempiternum, id est integra una petia de terra nostra posita in loco qui nominatur Babulie, quot est super Antinianum, cum arboribus et introitum suum et omnibus sibi pertinentibus; etiam et aput me exinde illa chartula comparationis quam exinde appreenserunt suprascriptis iugalibus genitoribus meis cum alie chartule que ipsa chartula continet: coherente sibi ab uno latere terra heredis quondam domini Gregorii Cacapice sicut inter se terminis est finis et de alio latere terra que fuit quondam domini Gregorii de Rotunda suprascripte nostre ecclesie que detinent supradicti Abbaciri sicuti sepis est finis; de uno capite via publica sicuti sepis est finis et de alio capite terra ecclesie Sancti Stephani de illi Sancti Gregorii; de quibus nichil nobis exinde aliquot remansit aut reserbabimus nec in alienas cuiusque personas quot a sit commisimus aut iam committimus potestatem, set a presenti die et deinceps a nobis tibi et per te in supradicta ecclesia nostra sit offertum et traditum in tua et de posteris tuis quem nos vel nostris haeredibus ibidem ordinabimus sint potestatem ad habendum et possidendum illut supradicta ecclesia nostra usque in sempiternum et neque a nobis neque a nostris haeredibus nec a nobis personas summissas nullo tempore nunquam tu supradicto domino Stephano presbytero aut posteris tuis per nos aut heredibus nostris ibidem ordinaberimus vel ipsa ecclesia nostra quot absit habeatis exinde aliquando quacumque requisitione aut molestia per nullum modum nec per summissas personas nullaque adinbenta ratione a nunc et im perpetuis temporibus et qualemcumque tempore tibi vel ad suprascriptis posteris tuis necesse fuerint supradicte chartule que aput nos exinde habemus tunc nos et heredibus nostris tibi et ad ipsis posteris tuis illas ostendere et monstrare debeamus ad relegendum et ad finem cum eis faciendum ubique vobis exinde necesse fuerint et non illa abscondere et absentare non debeamus per nullum modum quia ita nobis placuit. si autem aliter fecerimus de his omnibus supradictis per quobis modum aut summissas personas, tunc componimus nos et heredibus nostris tibi tuisque posteris ad supradictam ecclesiam vestram auri libras duas bythiantias et hec chartula offertionis ut super legitur sit firma, scripta per manum Iohannis curialis et scriniarii per supradicta tertiadecima indictione. + Hoc signum + manu supradicti Iohannis cognomento Capuano cum voluntate supradicta genitrice sua quod ego qui supra ab eis rogatus pro eis subscripsi. + Ego Iohannes subscripsi. + Ego Aligernus fili domini Iohannis testi subscripsi. + Ego Iohannes fili domini Gregori testis subscripsi. + Ego Petrus fili domini Iohannis testi subscripsi. + Ego Iohannes curialis et scriniarius complevi et absolvi per supradicta decimatertia indictione.

Source Fulltext: Codex Diplomaticus Cavensis, vol. 10, 143-145, Estratto da ALIM