+ IN NOMINE DOMINI IESU CHRISTI et salbatoris nostris. Nono anno regni imperiy domini Michail et Constantini, mensis octuber quintadecima indictione. Ideoque ego Falco filius Iohanne de civitate Melfi, dum in Dei omnipotentis misericordia te quidem puella nomine Sanda filia Liuzi de civitate Vigilie in meo quidem te sociavi coniugio, tunc in alia die botorum nostrorum post nubtias nostras ante amicos et parentes nostros secundum ritus gentis nostre Langobardorum et lex continet, do atque trado tivi prefate uxori mee per unc videlicet libellum scriptum a puplico notario et ab idoneis testibus bene rovoratu, quod est morgincaph, continentem quartam partem ex omni faccultate mea stavile vel movile tam quod modo abeo intus civitatibus quam et foras per villis seu et de illut quod amodo et in ante diebus vite tue parare vel conquirere potuero undecumque vel quomodocumque, id est casis, casilis, curtis et ortalis, vineis, vinealis, terris, aquis, pratis, pascuis, clausureis, cisternis, lacora, pisscine, olibetis et termiatuis, campis, silbis, cultum vel incultum, pomis et ceteris omnibus aliis arboribus fructiferi et infructiferis, peculia magna et parba, servis et ancillis, aurum, argentum, ferrum, ere, pannis serecis, lineis ac laneis, organeis, victualibus, vinum, oleum necnon et omnibus aliis regimentis. de omnia bero et in omnibus que supra legitur tivi prefate Sande dilecte uxori mee quartam parte dedi, ea videlicet ratione sicut supra diximus et in edicti continet pagina, ut amodo vel in antea et semper in tua et de tuis eredibus sit potestate et dominatione faciendi exinde omnia vel in omnibus vestras fuerit boluntas, absque omni mea meisque eredibus contrarietate et requisitione cuiuslibet persona hominum ut legitur supra. et quam enim cartula morgincaph in prescripta ratione semper sit firma et stavilis permaneant. Quam te Urso subdiaconus et notarius scribere rogavimus intus predicta civitate Melfi pro eo quod ibi fuisti. Acto mense et indictione nominatis. S. + Ego Bysantius imperiali kriti. S. + Ego Urso teste. + Ego Urso testi sum. + Ego Ioanne teste.

Source Fulltext: Codex Diplomaticus Cavensis, vol. 10, 181-182, Estratto da ALIM