+ In nomine domini vicesimo tertio anno principatus salerni domni nostri Guaimarii gloriosi principis et tertio anno principatus eius capue et ducatus illius amalfi, quam et secundo anno ducatus eius sirrenti, mense magio nona indictione. Memoratorium factum a nobis petri, et iohanne, et benefacii, et amanda, germani et filii quondam maraldi, Eo quod ante subscripti idoneis homines per convenientia, quam et per iussionem domni theodori venerabili episcopi, ad laborandum et pastinandum tradidi nobis cosmas abbatis monasterii sancti angeli et sancte sofie, constructi intus hanc salernitanam civitatem, inclita clusuria de terra cum arbusto et bacum uno teniente in pertinentiis suprascripto monasterio infra fines salernitana in locum campiliano, ubi maurintisi dicitur, per as fines et mensurias: de una parte fine via puplica; inde abet passi quadraginta duo; et de tribus partibus fine ipsius monasterii; et ab una parte abet passi quadraginta sex; et de tertia parte abet passi triginta duo; et de quartam namque parte similiter abet passi triginta duo mensurata ad passu iustum. Hec autem predicta terra per ipsis suis mensuriis cum vice de via sua nobis tradidi ipse cosmas abbas tali tinore, ut amodo et semper nos et nostros eredes illut teneamus, et fobee et omnes nostre utilitatis ibi faciamus iusta ratione, et ipso vacuum pastenemus arbustum de bono viteneo, et amodo et usque duodecim anni completi abeamus ipso vacuum pastenatum et surtum, sicut locus ipse de tantos annos meruerit, et tota ipsa tradictione annualiter apto tempore laboremus et studiemus de super et de subter, sicut meruerit, ut semper bonum pareat laboratum et cultatum, et qualiter perficiad et non disperead, et omni tempore unum de nobis ibi resideat, et clusum illut abeamus unde meruerit, et arbores et vites ibidem plantemus et propaginemus, ubi meruerit, ut semper ibidem perfectum arbustum abeamus vitatum et hoperatum, et semper de aire et de vindemie faciamus scire pars exdicti monasterii, ut ibi dirigat missum suum; et omnia que ibi seminaberimus, demus inde ibique ad area terraticum secundum consuetudinem de ipsum locum; et ipsum arbustum et poma que ibi abuerit, apto tempore faciamus salba et rationabiliter illut vindemiemus, et tota ipsa poma et vinum quod inde exierit, dividamus ibique ad palmentum per medietatem. Et ipsa sua medietas de ipso vinum reponamus ibique in organeum quod nobis assignaberit, quod per nos fiad omni tempore ipsum organeum bonum studiatum et conciatum, et faciamus illut salbum, donec ipso vinum inde tollat, absque igne et gente pubblica; et palmentatica inde demus, sicut meruerit; et ipsum missum et ecuum suum nutrire, sicut iustum fuerit, et omnia faciamus in parte ipsius monasterii, qualiter faciunt alii cortesani qui de suis rebus retinunt, et omni tempore liceat pars ipsius monasteri perquirere, si non esset bona hoperata ipsa tradictione, et inde liceat pignerare usque ad legem; et quale tempore da ipsi duodecim anni in antea tenere voluerimus ipsa rebus, liceat nos inde exire cum nostra mobilia quod iustum fuerit, et ire ubi boluerimus. Tantum prius assignemus ipsa curte ad pars ipsius monasterii clusa et pastenata et hoperata, sicut supra diximus cum ipsum organeum salbum et cum reditum et palmentum. Unde in eo tinore per convenientia guadia nobis, qui supra germani dedit una cum iohannes clericus advocatorem eiusdem monasterii ipse cosmas abbas, et mediatorem nobis posuit leo de candida filius quondam iohannis; et per ipsa guadia obligabit se ipse abbas et successores suos defensandum nobis ipsa tradictione da omnes homines in predicto tenore, et non querat illut nobis nostrisque eredibus tollere vel contrare; et si omnia suprascripta nobis non adimpleberit et aliquit inde nobis contradixerit, Tunc per ipsa guadia componere obligabit nobis ipse abbas et successores suos viginti solidi aurei constantini, quod scripsi ego qui supra iohannes clericus et advocator qui et scriba prefati monasterii. + + + Ego dauferius notarius me subscripsi + Ego romoaldus me subscripsi.

Source Fulltext: Codex Diplomaticus Cavensis, vol. 6, 160-161, Estratto da ALIM