+ In nomine domini nono decimo anno principatus domni nostri guaimari glorioso principe, filio quondam domni guaimari principis, mense agustus, quinta indictione. memoratorium factum a me musandus venerabilis abbas ex monasterii sancte sofie, que sita est intus cives salerno, eo quod ante idoneis hominibus per combenientia tradidit dauferi et rocci de apus monte, filii quondam miri, due pecie de terris vacibe pertinentem predicto monasterio in locum sianum, qui est de ex omni parte fine predicti monasterii. prima pecia per as fines et mensuras: a pars orientis fine via, inde sunt passi octuaginta hocto: a pars meridie inde sunt passi quadraginta quadtuor: a parte occidentis inde sunt passi alii octuaginta hocto: a pars septemtrionis usque in iamdicta via priora fine, inde sunt passi quinquaginta tres. secunda pecia per as mensuras: a meridie inde sunt passi sexaginta tres: ab oriente inde sunt passi centum octo, revolbente per traversum de ipso vallone passi sexaginta duos: ab inde revolbente in pars orientis passi septuaginta, et ab ipsa pars orientis passi quinquaginta, seu revolbente in pars occidentis passi tridecim, et revolbente in pars meridie passi quadtuordecim, totum mensuratum ad iusto passum hominis; in oc ordinem illut eorum tradidit, ut amodo et semper ad eorum et ad illorum eredes sint potestatem tenere et dominare, et fovee et omnis sue utilitatis iusta rationem ibidem facere, et totum illut laborare, et cultare, et pastenare arbores et vites de bono vitineo, ut amodo et usque duodecim anni completi abeant in tota ipsa tradictione perfectum arbustum factum, et operatum, et cultatum, de super et de subtus, sicut de tantos annos locus ipse meruerit; sic namque, ut amodo et usque decem anni completi quantum vinum inde exierint, totum illut sibi abeant; preter, de quod amodo et semper ibidem seminaberint, deant inde terraticum ad missum predicti monasterii secundum consuetudinem de ipso locum; et da ipsi decem anni completi in antea usque duos annos, ut amodo se compleant ipsi duodecim anni, quantum vinum inde exierint, per medietatem dividant: pars ipsius monasterii tollat eos medietatem, et illis et suis eredibus medietatem; et si da ipsi duodecim anni completi in antea illut tenere voluerit, apto tempore de super et de subtus illut laborare et cultare et, ubi meruerit, arbores et vites ibidem plantare et propaginare, sicut meruerit, quatenus proficiant et non dispereant; et per tempore de vindemie, quando meruerit, illis et suis eredibus faciant scire pars nostri monasterii, ut ibi dirigamus missum nostrum, et illis et suis eredibus tota ipsa tradictio apto tempore rationabiliter vindemiare, et quantum vinum inde exierint, per medietatem dividant: missum predicti monasterii tollat ipso vinum et pomam si abuerint, medietatem, et illis et suis eredibus medietatem; et adsignemus illorum horganeum da vinum ad cellarium, quod pars ipsius monasterii ibidem abuit, et ipsu organeum per illis fiant bonum conciatum et studiatum, sicut meruerit, et ibi midtat ipsa sortione nostra de ipso vino; et ipsum nostrum nutricare secundum illorum possivilitatem, et palmentatica nobis deant, sicut iustum fuerit, et de quod ibidem seminant, deant inde terraticum ad pars nostri monasterii, sicut supradiximus; et quale tempore illis et suis eredibus ipsa tradictio tenere et lavorare non boluerint, aut non potuerint, inclitum illut lavoratum et cultatum, qualis meruerit, remittat ad pars predicti monasterii, faciendum quod voluerint, et liceat illis et omines, qui ibi ad laborandum miserint, inde exire cum omni causa movilia, quod ibidem abuerint, et iret cum illut ubi voluerint. de qua per combenientia guadia mihi ipsi germani dederunt, et mediatorem mihi posuerunt iohannes filius domnandi de eodem locum; et per ipsa guadia obligaberunt se et suis eredibus, ut si taliter omnia suprascripta illis et suis eredibus ad pars ipsius monasteri non adimpleverint et aliquit inde contradixerint, per ipsa guadia componere obligaberunt se et suis eredibus mihi vel ad successoribus meis, seum ad pars ipsius monasterii, aut cui brebem iste in manum paruerit, triginta auri solidi constantini. verumtamen licentiam abeant illis ibidem omines ad lavorandum mittere. quod scripsi ego petrus presbiter et notarius. + Ego petrus presbiter + Ego leo.

Source Fulltext: Codex Diplomaticus Cavensis, vol. 6, 74-74, Estratto da ALIM