+ In nomine domini.vicesimo nono anno principatus salerno domni nostri guaimarii gloriosi principis, et octabo anno ducatus eius amalfi et sirrenti, et quinto anno suprascriptorum principatum et ducatuum domni gisolfi eximii principis et ducis filii eius, Mense Aprilis, quintadecima indictione. Ante me amatum iudicem Urania comitissa filia Ademarii comitis et relicta bone, memorie lamberti comitis, et ebulus clericus et abbas, et petrus, et alebertus, et landoarius comitibus germani et filii suprascripti lamberti comitis et uranie, clarificaberunt sivi pertinere plures rebus staviles foris castello evoli illorum comitato, et sicut ipsorum mater et filii congruum est bona illorum voluntate, per combenientiam, per hanc cartulam pro illorum salutis anime, coram meam presentia optulerunt domino deo et in ecclesia illorum pertinentem, que constructa est foris hanc civitate non multum longe a mare in loco, ubi gallucanta et petralena dicitur, ad onorem beatissimi nikolay confessoris adque pontificis, in qua praxi presbiter et monachus et abbas regimen tenere videturo integram unam peciam de terra vacua, que illorum mater et filii abere pertinet, foris ipso castello eboli, ubi proprio croscevangiba dicitur, que est per as fines:A parte orientis fine rebus de segna et de cirnegla; A meridie fine ballitellu et silba de mundura; Ab occidentis fine ballone et fontana de croscebangiba; A Septemtrionis fine rebus de li barbuti cum omnibus, que intra ipsa per suprascriptas fines sunt cuntisque suis pertinentiis. et cum vice de via sua. Ea ratione, ut totum et integrum illut, quod, ut dictum est, domino deo et iamdicta ecclesia optulerunt, semper sit in in postestate ipsius praxi presbiteri et monachi et abbas et successorum eius, et partibus suprascripte hecclesie, et liceat ipsum praxi presbiterum et monachum et abbas et suis successores, et pars suprascripte hecclesie de eo facere, quod boluerit, cum boluntate ipsorum mater et filii, et heredum illorum. Et per combenientia ipsa urania comitissa et ebulus clericus et abbas, et petrus, et adelbertus, et landoarius comitibus obligaverunt se et suis heredibus semper defendere ipsius praxi presbiteri monachus et abbas et eius successoribus et partibus suprascripte hecclesie integrum illut, ut dictum est, domino deo in eadem hecclesia ab ominibus et partibus. Et tribuerunt licentiam, ut quando ipse praxi presbiteri monachum et abbas et suos successores, et pars suprascripte hecclesie voluerit, potestatem abeant illut se defendere, qualiter voluerint, cum omnibus muniminibus et rationibus, quas de eo ostenderint. Et si, sicut superius scriptum est, ipsa iamdicta urania comitissa et ebulus clericus et abbas, et adelbertus, et landoarius, et petrus comitibus, et illorum heredes, ipsi praxi presbitero monachus et abbas, et eius successoribus, et partibus suprascripte ecclesie non adinpleberint, et suprascripta vel ex eis quicqua removere aut contradicere presumpserint, per combenientia obligaverunt se predicti mater et filii et suis heredibus componere ipsi praxi presbitero et monacho et abbas, et eius successoribus, et partibus suprascripte ecclesie, triginta auri solidos constantinianos. Et omnia suprascripta ipsa urania fecit cum boluntate de mundoalt suo. Et taliter tibi alderissi notario scrivere precepi. + Ego qui supra amatus iudex.

Source Fulltext: Codex Diplomaticus Cavensis, vol. CDC.007, -, Estratto da ALIM