+ In nomine domini vicesimo nono anno principatus domni nostri guaimarii gloriosi principis, et nono anno ducatus eius amalfis, et hoctabo11 Corrige, nono a mense Iulio. anno ducatus illius sirrenti, et 1 Corrige, nono a mense Iulio. sexto anno suprascriptorum principatuum et ducatuum domni gisulfi eximii principis et ducis filii eius, mense iulius, quintadecima indictione. Ego amatus domini gratia episcopus sancte pestane sedis Clarifico, quoniam domnus paldulfus, filius bone recordationis domni guaimarii serenissimi principis, feci construere ecclesiam ad honorem sancte preparationis in propria rebus sua in loco cornitu finibus caput aquis. Et venit ad nos ipse domnus paldulfus, et cepit postulare me, ut si per convenientiam firmaremus ei firmam securitatem de ipsa ecclesia et de rebus ipsi ecclesie pertinentibus, qualiter illut securiter abere et possidere balead, ille dare nobis pro eis pretio ad perficiendas utilitates ipsius nostri episcopii; propterea cepi ex hoc avere colloquium cum clericis honoratis ipsius nostri episcopii, et omnibus congruum visum est, ut per combenientiam talia faceremus;et ideo, sicut michi congruum est, mea bolumptatem per hanc cartulam coram idoneis hominibus, qui intersunt, per conbenientiam confirmo et trado tibi domno pandulfo integram supradictam ecclesiam cum omnibus rebus movilibus et stavilibus ipsi ecclesie pertinentibus, et cum omnibus que intra ipsas res sunt cunctisque earum pertinentiis, et cum bice de viis suis. Ea ratione, ut semper sit in potestate tua et de tuis heredibus, et tu et tui heredes licentiam habeatis de suprascripta nostra traditionem facere quicquit bolueritis, et propter confirmationem uius traditionis suscepi a te sex libras argentei ad perficiendas utilitates ipsius nostri episcopii, et omni tempore sit secura et livera ipsa ecclesia cum omnibus rebus stavilibus et movilibus ipsi ecclesie pertinentibus a parte suprascripti nostri episcopii, et tu et tui heredes potestatem abeatis de ipsa ecclesia cum omnibus rebus ipsi ecclesie pertinentibus, et cum omnibus rebus quas per te et per tuos heredes, et per alios homines de vestris et illorum proprietatibus, quomodocumque datum et oblatum fuerit in predicta ecclesia, facere quicquit bolueritis, et tu et tui eredes potestatem abeatis in ipsa ecclesia presbiteros, et clericos, et monachos ordinare, qualiter bolueritis, absque omni contrarietate mea et de successoribus meis, et de partibus ipsius nostri episcopii. Et licentiam abeant ipsos sacerdotes, vel clericos, seu nionachos, qui per te et per tuos eredes in ipsa ecclesia ordinati fuerint, cartulam fraternitatis in eadem ecclesiam facere et abere, et cereum et fontes venedicere, et in ipsis fontibus baptizare, sicut decet, et cruces ex ipsa ecclesia extraere, et cum letaniis ex ipsa ecclesia procedere, et infirmos visitare, et mortuos intra ipsa ecclesia recipere, et pro eis officio, sicut decet, facere, et a foras ipsa ecclesia sepelire; et licentiam abeant per domos eorum, qui ad ipsam ecclesiam annualiter venerint, ad audiendum officium et ad domos et de ominibus qui in rebus tua et heredum tuorum abitaverint, cum aqua santificata ire et cruces in ipsis domis ponere, et aquam santificatam spargere, absque omni nostro et de successoribus nostris, et de partibus ipsius nostri episcopii contrarietate vel requisitione; et nec ego, nec successoribus meis, nec pars ipsius nostri episcopii, quolibet tempore quemlibet censum, aut quodlibet servitium, aut dationem ad ipsa ecclesiam, aut a rectoribus eius queramus per quemlibet modo, et nos et successoribus nostris et pars ipsius nostri episcopii annualiter demus ad partem ipsius ecclesie formata, et crisma, et oleum sanctum, sicut meruerit, absque datione; et licentiam abeant sacerdotes et clericos, seu monachos, qui per te et per tuos heredes in eadem ecclesiam ordinatos fuerint, omnem canonicum vel monachicum ordinem peragere, qualiter boluerit, sicut iustum est. Et si quolibet tempore ipsa ecclesia vel ex ipsa ceciderint, tunc cum tu et tuos eredes nos et successores nostros rogaveritis, nos et successores nostros illuc veniamus, et ipsa ecclesia et eius altaria dedicemus; et si, quod apsit, quolivet tempore ipsa ecclesia, vel eius altaria contaminata fuerint, nos et nostros successores per omnes vices per postulationem tuam et de tuis eredibus, ad ipsam ecclesiam veniamus, et eam et eius altaria restauremus, sicut meruerit; et per combenientiam ego amatus domini gratia episcopus obligo me et successores meos, et partem ipsius episcopii si, sicut superius scriptum est, tibi tuique eredibus non adimpleverimus, et suprascriptam vel ex eis quicquam removere, aut contradicere presumserimus, componere tibi domnus pandulfo tuique eredibus mille aurei solidos constantinos. Unde pro vice nostra nostrum vicedominum pro vice ipsius domni paldulfi domno iohanni comiti filio domni alfani comitis guadiam dare fecimus, et mediatores ei posuimus landemarium clericum filium landolfi, et dumnellum filium quondam guinardi. Et hunc brebem scripsit ego guidus subdiaconus et notarius per iussionem domni presulis. Pax — Ego qui supra Amatus episcopus.

Source Fulltext: Codex Diplomaticus Cavensis, vol. CDC.007, -, Estratto da ALIM