+ In nomine domini tricesimo anno principatus domni nostri Guaimarii gloriosi principis, et decimo anno ducatus illius amalfi et sirrenti, et sexto anno principatus ipsorum et ducatuum domni gisulfi eximii principis et ducis eius filii, mense nobember, prima indictione. Ego iohannes de locum trasboneia, ubi proprie maianu dicitur, filius quondam petri muscone, ante presentiam ademarii comiti et iudici, obtulit deo et in ecclesia sancte marie, que constructa est in in locum betrantu finibus mitilianense in rebus pertinente de eredes quondam madelmi, et risi, et rodrici, pro mercedis anime mee et predicti genitorem meum inclita pecia mea, qualiter mihi est pertinente de ecclesia sancte marie de predicto locum maianu cum omnibus rebus stavilibus et movilibus pertinente eidem ecclesie cum inclita mea de puteum et curte et via ad ipsum puteum, quod mihi pertinet a suprascripto genitorem meum; quam et obtulit deo et in prefata ecclesia sancte marie de predicto locum betrantu una pecia de terra cum viscilietum de castaneis et aliis arboribus in predicto locum trasboneia per fines et mensuras: a pars occidentis est fine medio vallone, qui dicitur bulutabblu, sunt inde passi tridecim; a parte orientis est finis media serra, que discernit ad eredes predicti madelmi, sunt inde rectum per ipsa serra passi alii tridecim, et de longitudo da medio predicto ballone usque suprascripta media serra; omnis suprascripta mensuria iusto passu omini mensurata, tali ordine ipsa ecclesia de maianu, que et tragoneie dicitur cum omnibus rebus movilibus et stavilibus pertinente eidem ecclesie, et cum parte mea de ipso puteum, quod in ipso locum maianu est, cum vice de via et curte et cum suprascripta pecia de terra, cum viscilietum infra predicte finis et mensurias, cum vice de via sua in predicta ecclesia sancte marie de ipso locum betrantum obtulit, ut semper sit in potestate predicte ecclesie sancte marie da ipso locum betrantu, faciendum inde pars iamdicte ecclesie omnia quod voluerit, absque omni mea et de meis eredibus vel cuiquam ominibus contrarietatem vel requisitionem. Et per combenientia guadia dedit iaquinti presbiteri et abbati predicte ecclesie, et fideiuxorem ei posuit meipsum etc. Sequitur consueta formula, statuta mulcta centum auri solidorum constantinianorum. Berumtamen ipsa ecclesia sancte marie da betrantu pertinet inde at ipsa eredes madelmi medietate, et at ipsa eredes risi et roderici medietate, berumtamen ipso scriptum, qui est a super inter virguli, legit monimen, quod scripsi ego ademarii notarius qui interfui. + Ego qui supra ademarii iudex.

Source Fulltext: Codex Diplomaticus Cavensis, vol. CDC.007, -, Estratto da ALIM