+ In nomine domini tricesimo primo anno principatus domni nostri guaimarii gloriosi principis, et decimo anno ducatus eius Amalfis et Sirrenti; quam et septimo anno principatus et ipsorum ducatuum domni gisulfi eius filii eximii principis et ducis, mense hoctuber, secunda indictione. Ego iohannes domini gratia abbas monasterii sancti angeli et sancte sofie, qui siti sunt intus hanc salernitanam civitatem, et ibique adessent subscripti idoneos homines, per combenientia, quam et per iussionem domni paldulfi germani suprascripti domni guaimarii Invictissimi principis et filii bone memorie domni guaimarii principis, ad laborandum tradidimus iohanni diaconi de loco la penta, et filio ciceri, de rebus pertinentes suprascripti monasterii, in eodem loco, qui sunt pecia quinque cum arbustis et abellanis. Prima pecia per ec finis et mensuria, ex omni parte fine suprascripti monasterii, et ab oriente abet passi decem, minus gubitum; a sebtemtrione passi quadraginta quinque: ab occidente abet passi nobem et gubitum, a meridie passi quadraginta quinque et medium. Secunda pecia, que est ibique loco per ec finis et mensurie, similiter fine ex omni parte de ipsum monasterium, qui retinunt consortibus eius, a parte suprascripti monasterii, et a meridie abet passi quadraginta quinque et medium, ab occidente abet passi viginti unum et gubitum, a septemtrione abet passi quadraginta sex, ab oriente abet passi undecim. Tertia pecia ibique per has fines et mensuras, ex omni parte similiter fine suprascripti monasterii, qui retinunt ipsi consortibus eius et ab occidente abet passi quattuordecim, et a septemtrione abet passi triginta septem, ab oriente fine via passi viginti octo, a meridie abet viginti et nobem. Quarta pecia ibique per has fines et mensuras: ex omni parte similiter fine suprascripti monasterii: a septemtrione abet passi viginti quadtuor, ab occidente abet passi viginti tres; a meridie fine via abet passi triginta et medium, ab oriente abet passi undecim et gubitum. Quinta pecia ibique per as fines et mensuras: similiter ex omni parte fine suprascripti monasterii, et ab oriente abet fine via passi decem et octo, a septemtrione abet passi triginta sex, et rebolbente in septemtrione passi quadraginta unum, Ab occidente abet passi viginti et nobem et medium, a meridie abet passi triginta quadtuor et gubitum, et rebolbente in septemtrione passi sex. Ab ipsa parte meridie abet passi triginta sex minus gubitum, Totum ad iusto passum hominis mensuratum. Hec autem suprascripte quinque pecie de terra per ipsas fines et mensurias ipsius iohanni diaconi tradidi ego qui supra abbas per absolutionem ipsi domni paldulfi, cuius sunt pertinentes suprascripta monasteria, quam et tradidi ec due pecie de terra campensa que sunt pertinentes exdicto monasterii, una in locum catabati et alia ad saba, finibus rotensis. Tota suprascripta tradictione tradidi ei cum vice de vie sue, Tali tinore, ud ipse iohannes diaconus et suos eredes illud semper tenere, et fobee et omnes sue utilitatis ibi faciant iuxta rationem; seu et annualiter apto tempore ipsa tradictione tota de super et de subter laborent et cultent. sicut meruerit, ud semper bonum et perfectum paread laboratum et studiatum, et qualiter cotidie proficiat et non disperead et semper bonum et perfectum arbustum et abellanietum ibi abeant surtum et laboratum; seu et ante hos dies tradidi ego ipsius iohanni diaconi, et iohannis qui fuit sculdais, filius quondam ciceri, Inclita pecia de terra cum abellanietum ibique loco per finis et mensuras, sicut continunt brebi, qui nos et illis inde firmati retinemus, et semper de ayre et per tempore de nocelle, et de vindemie, faciant scire pars ipsius monasterii, Ud ibi dirigat missum suum, et de omnia que ibi seminaberint, deant ibique terraticum abere Ad ipsum missum secundum consuetudinem de ipsum locum, et ipsum arbustum et abellanietum apto tempore salbum faciant, et ipse abellane rationabiliter colligant tote, et inclitam tertiam partem inde deant secce bona ad ipsum missum, relique due sortis sivi habeant et inclitam tertiam partem de omne vinum quod ibi fecerint de ipsa arbusta, deant ad ipsum missum, et reponent illut in organeum, quod eorum assignaberint, pars suprascripti monasterii, et ipsum missum, et equum suum nutricent, ud iustum fuerit, et omnia faciant in pars suprascripti monasterii, qualiter faciunt ipsi consortibus suis, qui de ipsa rebus indeque retinunt, et omni tempore licead pars suprascripti monasterii perquirere ipsa rebus, et si non esset bona hoperata, licead inde pignerare usque ad legem. Unde in eo tinore per combenientia guadia mihi dedi ipse iohannes diaconus pro parte suprascripti monasterii, et fideiussorem mihi posuit seipsum per apposita pignera legitima et inlegitima, et per ipsa guadia etc. Statuta mulcta viginti auri solidorum constantinianorum; quod scripsi ego iohannes scriba. + Ego dauferius notarius me subscripsi. + Ego grimoaldus me subscripsi.

Source Fulltext: Codex Diplomaticus Cavensis, vol. CDC.007, -, Estratto da ALIM