+ In nomine domini undecimo anno principatus domni nostri gisulfi gloriosi principis, mense september, sexta indictione. Memoratorium factum a me grimoaldus erarius filius quondam iohannis, ante subscribentis testibus per combenientiam tradidit michi domnus alferius diaconus archipresbiter et abbas ecclesie sancti maximi, que sita est intra hanc salernitanam civitatem, una cum advocatus ipsius ecclesie terram bacua pertinentem ipsius ecclesie, que est intus predictam civitatem a super et non multum longe ab ipsa ecclesia, que ex omni parte coniuncta est ad finem ipsius ecclesie; et est per hec mensuras: A parte septemtrionis fine anditum ipsius ecclesie, que ducit erga tassum de ipsum montem pertinentem ipsius ecclesie, inde pedes bigintiduo: A parte orientis pedes decem et septem: A meridie fine alium anditum ipsius ecclesie inde sunt pedes biginti sex: A parte occidentis pedes sedecim mensurati iusto pedes manus hominis: per istas fines et mensuras inclitum illut michi tradidit cum bice de ipsa andita et via sua. Tali ordine, ut amodo et usque biginti nobem anni completi ad mea et de meis heredibus, vel de homines, quod ibidem miserimus, sint potestatis illut tenendum et dominandum, fovee et omnis nostre utilitatis iusta rationem ibidem faciendum: et liceat nos casa lignitia ibi facere; et si voluerimus pariter ibi facere fabrica, potestatem habeamus; et liceat nos a subtus et erga ipso anditum a parte meridie sufficta de lignamen ibi facere, sive cum fabrica quasi antimurale, ut ipso anditum vel ipsa casa, quod ibi fecerimus, non ruat, et liceat nos in ipsum anditum da ipsa parte meridie omnis nostra utilitatis facere, et super coperire, quantum est ipsa tradictione, qualiter voluerimus pro porticum in altum pro nostre utilitatis, sic ut non sit inpedimentum ad omines qui retinunt casis ipsius ecclesie. et per ipsum anditum ingredere et regredere iusta rationem usque in ipsam viam ipsius ecclesie, unde vice nobis superius tradidit et per ipsam viam pergamus, ubi voluerimus cum omnis nostre congruitatis iusta rationem. Et ipsa casa conciemus bona, sicut diximus, cum lignamina sibe cum fabrica, qualiter voluerimus, et coperiamus cum scandole, et ibidem resideamus et abitemus, et ad residendum demus, qualiter nobis placuerit, omnis prodem et censum quod de ipsa traditione tollere et abere potuerimus, et seditura totum illut nobis abeamus faciendum inde quod voluerimus. Tantum pro censum de suprascripta traditione demus per omnis annum usque ipso constitutum de mense iunius in pars ipsius ecclesie unum aureum tari bonum et due partis de unum alium tari bonum, ut per caput badant. Et licentiam habeamus quando voluerimus usque ipso costitutum columnia betusta, aut alia lignamina inde mutare, et noba columnias vel lignamen ibi ponere et abere, sicut meruerit. Unde in eo hordine per combenientiam ipse domnus abbas qui est unum de dominii ipsius ecclesie guadiam michi dedit, una cum ipsum adbocatus, et mediatore michi posuit polcari clericus filius stefani per absolutionem ipsius genitorem suum. Et per ipsam guadiam obligavit se ipse domnus abbas et successores suos et pars ipsius ecclesie amodo et usque ipsi biginti nobem anni completi defensare michi meique heredibus et ad omines, quod ibidem miserimus, tota et inclita suprascripta tradictione, cum bice de ipsa andita et iamdicta via, et cum sericidia extra ipsas mensuras in parte meridie et in parte septemtrionis ab omnibus hominibus omnique partibus. Ad completo ipsu costitutum liceat me et meos heredes, et omines quod ad residendum ibidem miserimus, inde exire cum omnem nostra causa mobilia et cum medietate omnis lignamen de ipsa casa, vel de ipso porticum, si illut ibi fecerimus, et cum medietate parieti fabriti, si illi ibi fabricaverimus, et pergamus ubi voluerimus; et inclita ipsa terra et ipsa andita, et cum medietate lignamen de ipsa casa et de ipso porticum, et de pariete fabriti, si illut ibi fecerimus, rebertar in pars ipsius ecclesie conciata ipsa medietate de ipsa casa coperta et clusa bona faciendum inde quod voluerint. Et si, sicut superius legitur, ipse domnus abbas et successores suos, et pars ipsius ecclesie nobis non adinpleverint, et suprascripta vel ex eis quicquam removere aut contradicere presumserint, per ipsam guadiam obligavit se ipse domnus abbas et successores suos et pars ipsius ecclesie componere nobis nostrisque heredibus quinquaginta auri solidos constantinianos. Sic tamen, si ipsa nostra medietate de ipsa lignamina et de ipsa fabrica bindituram habuerimus in pars ipsius ecclesie, illut bindamus ad iusto pretium; et si pars ipsius ecclesie illut emere noluerit ad iusto pretium, liceat nos illut dare cui boluerimus. Nam si illut dederimus sine solutionem ipsius ecclesie, tunc sine pretium reberter in pars ipsius ecclesie faciendum inde quod voluerit. Inter suprascripti virgulis dicit: traditionem, et in alio loco dicitur, usque. quod scripsi ego petrus notarius. + Ego alderissi notarius me subscripsi. + Ego romoaldus notarius me subscripsi. + Ego Alferius nominatus diaconus archipresbiter et abbas. + Ego petrus presbiter et primiclericus. + Ego pulcarius qui supra diaconus.

Source Fulltext: Codex Diplomaticus Cavensis, vol. CDC.007, -, Estratto da ALIM