+ In nomine domini quintodecimo anno principatus domni nostri gisulphi gloriosi principis, mense Iulio, nona Indictione. Memoratorium factum a me urso filio quondam maraldi clerici de locum luxtra finibus lucanie, eo quod ante subscripti testes ad tenendum, lavorandum tradidit michi dauferio filio quondam sikenolfi comes, pro vice sua et pro vice griselaite cognata sua filia quondam mele atrianense, tote et inclite terris illorum, quod illorum pertinet in ipso locum luxtra, ubi ad castelgioni dicitur, michi tradidit ipse dauferio pro vice sua, et pro vice de ipsa congnata sua; Tali tinore, ut amodo et usque quinque anni completi, ad frudia recollecta ad mea et de meis heredibus esset potestatis, fobee et omnis nostre utilitatis ibi faciamus iusta ratione, et per omnis annum tote ipse suprascripte apto tempore lavoremus et.seminemus, sicut meruerit, et quantum victalium de ipsa traditione per omnis annum inde exierit, totum illut nobis habeamus. Tantum pro censum de ipsa traditione demus ad missum de ipso dauferium et de ipsa congnata sua, per tempore de are, per omne annum in locum cassillanu ad ecclesia sancti fortunati quinquaginta quartaria de granum vonum ad quartarium iustum de ipsum locum, faciendum inde, quod voluerit. A completo ipso constitutum ad frudia recollecta, inclita ipsa tradictione perveniat ad potestate ipsorum congnati et de illorum heredes; et nos licead inde exire cum omnis nostra causa movilia. et ire ubi voluerimus. Unde in eo tinore per convenientiam guadia michi ipso dauferio dedi, pro vice sua et de ipsa congnata sua, et fideiussorem michi posuit pro sua et illius parte seipsum. et per ipsa guadia obligavit se ipse dauferio et suos heredes defensandum nobis inclita suprascripta traditione, cum vice de via sua, amodo et usque ipsi anni completi ab omnis homines in suprascripto tinore. Et si taliter illut nobis non defensaverint., et aliquit inde contradixerint, per ipsam guadiam obligavit se ipse dauferi et suos heredes, pro vice sua et de ipsa congnata sua, componere michi meique heredibus triginta auri solidi constantini, et suprascripta adimplere. Quod scripsi ego iohannes notarius. + Ego iohannes notarius me subscripsi. + Ego amatus notarius me subscripsi.

Source Fulltext: Codex Diplomaticus Cavensis, vol. CDC.007, -, Estratto da ALIM