+ In nomine domini quintodecimo anno principatus domni nostri gisulfi gloriosi principis, mense februarius, decima indictione. Ante me Rotelgrimum comitem et Iudicem, Iohannes, qui cognominatus est scintu, filius quondam iohanni presbiteri coniunctus est cum iohannes, et sergii, et constantino atrianensis germani et filii Ursi de auro, et per ipsum iohannes scintu ostensa est una cartula, que scripta est per romoaldum notarium presenti mense et indictione, continentem; qualiter marinus atrianensis filius quondam leonis coniunctus fuerat cum ipso iohannes scintu, et ipse marinus venumdederat eidem iohanni integra medietate de due pecias de terra cum vinea et insites et vacuum uno teniente foris ac cibitate in loco beteri, ubi proprio troccle et gattu mortu dicitur, qui inter ambas suprascriptas pecias vias discernit, et in una de ipse pecie casa et palmentum fabricate abunt; prima de ipse pecie per fines et mensuras: a parte occidentis finis via est rectum mensuratum per ipsa via passi centum tridecim et medium; a parte septemtrionis est finis alia via, et passi octuaginta, et abinde revolvit in parte occidentis passi trigintaduo, et revolvi in parte orientis, sicut medio limes discernit, passi quinquaginta nobem, et revolvi in septemtrione passi viginti quattuor, et revolvi, et ascendit per ipsa via, que est inter ambo suprascripte pecie in parte orientis, passi tridecim et medium, intus ipsa terra prope ipsa via mensurati; et revolvi et ascendit in parte meridie per ipsa via intus ipsa terra, mensurati prope ipsa via passi decem; et revolvi in parte quasi meridie passi octo et cubitum; et revolvi et ascendi in parte occidentis passi quadraginta tres usque ipsa via priore fine. Ipsa alia pecia ibique per fines et mensurie; a parte meridie finis media sepe prope ipsa sepe rectum mensurati passi triginta sex: ab oriente fine vallone, et passi sedecim, a parte septemtrionis passi viginti; ab occidente finis ipsa via, et passi quindecim et cubitum, omnis suprascripta mensurati iusto passu ominis mensurati. Et sicut ipsi marini congruum fuerat, sua boluntate, per combenientia benumdederat suprascripti iohanni scinti integram ipsam medietatem de ambo suprascriptas pecias de terras per suprascripte fines et mensurie, sicut ipsa cartula continet, in qua ego testatus sum. Cum autem suprascripta cartula fuit ostensa, sicut ipsi iohannis congruum fuit sua boluntate, per hanc cartulam per combenientiam venumdedit suprascriptis germanis, iohannis et sergii et constantini, integram ipsam medietatem de ambo suprascripte pecias de terras per suprascripte fines et mensurias et, qualiter illud ipse marinus venumdedit suprascripti iohannis, sicut ipsa cartula continet, cum omnia infra suprascripta venditione abentibus omnibusque suis pertinentiis, et cum vice de ipse vie, et cum medietate binum, et organea que intus ipse casis est, et cum ipsa cartula et cum eaque continente, ea ratione, ut semper suprascripta venditione sit in potestate ipsorum germanis et illorum eredibus, et licead ipsis germanis et illorum eredibus de ea facere quod boluerint. Et propter confirmationem uius venditionis ipse iohannes suscepit a suprascriptis germanis centum nonaginta quattuor tari boni in omni deliberatione; et per convenientiam ipse iohannes guadiam ipsis germanis dedi, et fideiussorem eis posuit manso cognatum suum filium quondam iohannis, et per ipsam guadiam ipse iohannes obligavit se et eius eredes semper defendere suprascriptis germanis iohannis, et sergii, et constantini, et ad illorum eredibus integram suprascriptam venditionem ab omnibus ominibus et partibus; ea ratione, ut quando ipsis germanis et illorum eredes quesierint ipse iohannes et eius eredes abere defensores de suprascripta venditione, tunc ipsis germanis et illorum eredibus dent suprascripti iohannis et illius eredibus ipsa suprascripta cartula salba, ad abendum illas ipsi iohannes et eius heredibus diebus sexaginta, et ipse iohannes et eius eredes defendant ipsis germanis et illorum eredibus integram suprascriptam venditionem ab omnibus ominibus, sicut suprascriptum est, et post completos ipse dies per omnes vices cartula ipsa salva, quale illam eidem iohanni et illius eredibus data fuerit, dent ipsis germanis et illius eredibus, ad habendum illam ipsis germanis et illorum eredibus in suprascripta ratione. Et tribuit eis licentiam, ut quando ipsis germanis et illorum eredibus boluerint suprascripta venditionem per se defendere, potestatem habeant, qualiter boluerint, cum omnibus muniminibus et rationibus quas de ea ostenderint; et si, sicut superius scriptum est, ipse iohannes et eius eredes ipsis germanis et illorum eredibus non adimpleberint, et suprascriptam, vel ex eis quicquam remobere aut contradicere presumpserint, per ipsam guadiam ipse iohannes obligavit se et eius eredes componere ipsis germanis et illorum eredibus centum auri solidos constantinianos, et suprascripta adinplere, et duas cartulas unius tenoris, hanc quam ipsis germanis retinunt, et alteram quam inde retinet ipse iohannes; et tibi romoaldo notario scribere precepi. + Ego qui supra Rottelgrimus Comes et iudex.

Source Fulltext: Codex Diplomaticus Cavensis, vol. CDC.008, -, Estratto da ALIM