+ In nomine domini, sextodecimo anno principatus domni nostri gisulfi gloriosi principis, mense maio, decima indictione. Ante me ursonem Castaldeum et Iudicem Leo filius quondam mauroni atrianensis Coniunctus est cum iohannes atrianensem filium quondam gutti, et cum mauro filio quondam iohannis, qui dictus fuit calboruso, et per ipsum leo filio predicti mauri hostense sunt scripte ita continentes; Ego leo filius quondam mauri feci tres sortes de rebus de locum beteri, quas communiter abeo cum iohanne filio quondam gutti, qui fuit germanus suprascripti genitoris mei, et cum mauro filio quondam iohannis: primum dibisi terram cum salices in qua molinum constructum fuit, et feci ex ea tres sortes; prima sorte fecit in parte meridie per finis et mensuras: A parte orientis est finis flubius, qui boneia dicitur, et rectum mensuratum intra istam sortem prope ripa ipsius fluvii, passi quattuordecim et medium. A parte septemtrionis est finis eadem sortis, et passi quattuordecim et medium. A parte occidentis est fine terra meaque leonis, et passi duodecim, et qualiter ab ipsis passibus badit usque in medium ipsum fluvium; et adiunxit in istam sortem pars a septentrione de terra vacua, et silba in eodem loco per fines et mensurias. A parte orientis est fine bia puplica, et passi sedecim: a parte meridie est fine illut, quod in secunda sorte adiungendum est: A parte occidentis est fine media arcaturiam, per quam fluit aquam de ipsa boneia, et per eam rectum mensuratum passi sedecim: A parte septemtrionis est finis terra aliorum: et pars ab occidente de iscla, que est in eodem loco per finis et mensuras: A parte occidentis est finis ipse fluvius, et passi triginta sex: A parte septentrionis est finis illud, quod in secunda sorte adiungendum est, et passi nobem: A parte orientis est finis illud, quod in tertiam sortem adiungendum est, et passi decem; et est ibidem lata ista sorte usque iamdictum fluvium in parte occidentis passi quattuor et medium, et ab ipsis decem passibus badit in parte meridie, erga illud quod in ipsa tertia sorte adiungendum est, passibus undecim, et est ibidem lata ista sorte in parte occidentis usque in iamdicto flubio, passibus quattuor; et ab ipsis undecim passibus badit secus illud, quod in ipsa tertia sorte adiungendum est, passibus tredecim; et qualiter ab ipsis passibus badit usque in medium ipsum flubium, et pars que in medio facta est de terra cum silba, que est in plaia montis, in eodem loco per fines et mensuras: A parte occidentis finis bia, et passi octo: A parte orientis est finis rupis, et passi septem: A parte meridie est finis illud, quod in secunda sorte adiungendum est. A parte septentrionis est finis illud, quod in tertiam sortem adiungendum est; et est per longitudine in omni loco ab ipsa bia in parte orientis usque iamdicte ripis, de toto isto feci esse primam sortem cum bice de viis suis. Ipsam secundam sortem feci per finis et mensuras: A parte meridie est fine suprascriptam primam sortem. A parte occidentis est fine terra meaque leonis, et passi septem: A parte septemtrionis est finis tertiam sortem, et passi quindecim et medium usque ripa ipsius fluvii: A parte orientis est finis ipsius fluvii, et passi septe; et qualiter ab ipsa ripa badit in partem orientis usque in medium ipsum flubium, et adiunxi in ista sorte de ipsa terra cum silba in eodem loco per fines et mensuras: A parte septemtrionis est finis illud, quod in suprascripta primam sortem adiunctum est: A parte orientis est finis ipsam bia puplica, et passi biginti septem: A parte meridie est fine illud, quod in tertia sorte adiungendum est, qualiter rectum descendit in iamdictum medium fluvium: A parte occidentis est fine medium ipsum fluvium aliquantum et media arcaturia, qualiter coniungit in suprascripta prima fine, et pars a septemtrione de ipsa terra, que iscla in eodem loco per fines et mensurias: A parte septemtrionis est fine aliorum: A parte meridie est finis illud, quod in suprascripta prima sorte adiungendum est, et finis illud, quod in ipsa tertia sorte adiungendum est: A parte orientis est finis media ipsa arcaturiam, et rectum mensurati passi octo: A parte occidentis est finis medium ipsum fluvium, et passi octo, et pars a meridie de ipsa terra cum silba, que est in plaia ipsius montis per fines: A parte septemtrionis est finis illud, quod in suprascripta primam sorte adiunctum est: A parte occidentis est fine ipsa bia: A parte meridie est fine terra aliorum: A parte orientis est finis ipsorum rupu: ex oc feci esse secundam sortem cum bice de viis suis. Ipsa tertia sors fecit per fines et mensuras. A parte meridie est fine suprascripta secundam sors. A parte occidentis est fine terra meaque leonis: A parte quasi orientis est fine medium ipsum flubium, et adiunxi in ista sorte pars ab oriente de ipso iscla que est per fines: a septemtrione est fine illud quod in suprascripta secundam sortem adiunctum est: Ab oriente est finis media ipsa arcaturia: Ab occidente est finis illud, quod in suprascripta prima sorte adiunctum est, et pars a meridie de ipsa terra cum silba, que est in eodem loco per fines: A parte septemtrionis est finis illud, quod in suprascripta secunda sorte adiunctum est: A parte orientis est fine ipsam bia puplica: A parte meridie est finis terra aliorum: A parte occidentis est finis medium ipso fluvius. Et pars a septemtrione de ipsa terra cum silba, que est in plaia ipsius montis per fines et mensuras: A parte occidentis est finis ipsam bia et passi septem: Ab oriente est finis ipsarum rupum et passi septem: A parte septemtrionis est finis terram ipsius iohannis; a parte meridie est finis illud, quod in suprascripta secundam sortem adiunctum est, et ex oc feci esse tertiam sortem cum bice de viis suis, quantum ego et mei heredes omni tempore abeamus bia per suprascriptam primam sortem de terra cum saliceto, in quam molinum constructum fuit, unde aptum fuerit. Et per pedes de ipsa terra cum silba, que in ac sorte adiuncta est, iusta ipsum flubium unde aptum fuerit, per quam ego et meis heredes, et omines quos voluerimus ingredi et regredi possamus, cum omnibus nostris et illorum congruitatibus, iuxta ratione, et omni tempore ego et meis eredes et omines, quos ibi miserimus, licentiam abeamus ex ipsis sortibus de ipsa terra cum salicetos, in qua, ut dictum est, molinum constructum fuit, quas ipsis iohannes et maurus compreenserint salices abscidere, quos in eis sunt, per annum apto tempore, quando meruerit; et omnes ipsos salices licentiam abeamus ex eis extraere et facere ex eis, quod boluerimus, absque contrarietate ipsorum iohannis et mauri, et eredum illorum et ille, qui ipsam primam sortem compreenserit; et eius heredes omni tempore dent bice de bia per ipsam terram bacua et silba, unde aptum fuerit, illis et illorum heredes, qui ipsas secundam et tertiam sortem compreenserit ab ipsa bia, que est in parte orientis pergendo in parte occidentis usque in media ipsa arcaturia, et ille et eius heredes, qui ipsam secundam sortem compreenserit, dent bicem de biam per ipsam terram que est iscla a media ipsa arcaturia pergente, unde aptum fuerit, usque in eadem ex ipsa iscla in ipsa primam sortem, et secundam adiuncta est, per quas ego et illi et mei et illorum eredes, et omines quos voluerimus et boluerint, ire et redire possimus, et possint cum omnibus nostris et illorum congruitatibus iuxta ratione, suprascriptis mensuriis, iusto passu ominis mensuratis; et cum fuerunt lecte ipse scriptionibus de iamdictis vero tribus sortionibus, prius inde compreenserunt ipsi iohannes et mauro ipsa secundam et tertiam sortem, qualiter superius facte sunt, cum omnibus, que intra eas sunt, cunctisque earum pertinentiis, et cum bice de viis suis, ad faciendum de eo illis et illorum heredibus, quod boluerint; et ipse leo conpreensit ipsam primam sortem, qualiter superius facta est, cum omnibus, que intra eas sunt cunctisque eius pertinentiis et cum bice de viis suis, ad faciendum de ea ille et eius heredes quod voluerint; et, per combenientia ipse leo guadiam ipsi iohanni et mauro dedit, et fideiussorem eorum posuit sergio filio quondam landolfi curialis; et per ipsam guadiam obligavit se et suos heredes omni tempore permanere cum ipsis iohanni et mauri et cum illorum heredibus in suprascripta dibisione, quemammodum supra legitur; et si taliter in suprascripta divisione, quemammodum supra legitur, ipso leo et suos heredes cum ipsis iohanni et mauri et cum illorum heredibus semper firmiter non permanserint, et suprascripta vel ex eis quicquam remobere, aut contradicere presumpserint, per ipsam guadiam ipse leo obligavit se et suos heredes componere ipsis iohannis et mauri, et ad illorum heredibus quinquaginta auri solidos costantinos, et, sicut superius scriptum est, adimplere; et in suprascripta divisione, quemammodum supra legitur, ille et suos heredes cum ipsi iohannis et mauri et cum illorum heredibus semper firmiter permanerent. suprascriptum disturbatum dicit: parte orientis usque in medium ipsum flubium. Et taliter te iohannem notarium scribere precepi. + Ego qui supra ursus castaldeus et iudex.

Source Fulltext: Codex Diplomaticus Cavensis, vol. CDC.008, -, Estratto da ALIM