+ In nomine domini sextodecimo anno principatus domni nostri gisulfi gloriosi principis, mense nobembri, undecima indictione. Ante me petrum notarium et alii idoneis ominibus bivo castaldus filius quondam petri coniunctus est cum iohannes filius quondam iaquinti, et cum durante filio quondam guidonis, et cum amatus filius quondam ligori. Ipse amatus pro parte sua et pro parte iohannis germano suo filio suprascripti ligori ad comprehendendas inter se sortes de terra et castanientum et silba quod illis inter se commune abunt in locum transvoneia, et est totam ipsam terram per fines et mensuras: A parte septemtrionis fine via que pergit ad sabuculum et passi quinquaginta quattuor: A parte orientis fine media vallem, et per eam mensurati passi ducentos sex: A parte meridie est fine, qualiter incipit a media ipsa balle ab eo loco ubi area de planellum dicitur, et rectum ascendit in media serra montis passi centum quattuordecim: A parte occidentis sunt passi ducentos sexaginta duo. De suprascriptas res per suprascriptas fines et mensurias dixerunt ipsi iohanni filii iaquinti pertineret medietatem et reliqua alia medietas dixerunt ei pertinere integram tertiam partem. Et de alia tertiam partem dixerunt ei pertinere tres partes; nam ipso aliter dixerunt pertinere ipsius durante et ad ipsi filii ligori. Et, sicut inter illos conbenit, ipse iohannes filius iaquinti divisit tota ipsa rebus et fecit inde due sortis, unam sortem fecit esse in parte septemtrionis et alia in parte meridie. Ipsam sortem da parte septemtrionis fecit per fines et mensuras: Ab ipsa parte septemtrionis fine ipsam bia mensurati passi quinquaginta quattuor: A parte orientis fine media ipsam balle, et per eam mensurati passi centum tres: A parte meridie fine alia sors, qualiter ascendit da media ipsa balle usque in media ipsam serram. A parte occidentis passi alii centum tres. De totum istut fecit esse primam sortem cum vice de ipsam bia. Alia sorte ipsa da parte meridie fecit per finis: Ab oriente fine ipsam balle: A meridie fine aliorum: Ab occidentis fine media ipsam serra: A parte septemtrionis fine ipsam primam sortem. De totum istud fecit esse secunda sorte cum vice de bia sua. Unde prius ipsi vibo et durante et amatus comprehenserunt ad dividendum ipsam secundam sortem. Et ipse iohannes pro sua sorte semper abendum compreensit ipsam primam sortem, qualiter superius facta est, cum omnia intro se abentibus et suis pertinentiis et cum vice de ipsam via, ad faciendum de ea ille et eius heredes quod voluerint. Et ipsa secunda sorte, quod ipsi omnes suprascripti comprehenserunt ad dibidendum, sicut inter eos conbenit, ipse vibo divisi illam in quinque sortes: Una sorte fecit esse in parte septemtrionis, et alia in parte meridie; et tres sortis fecit esse ibique in medium. Ipsa sorte da parte septemtrionis fecit per fines et mensuras: A parte orientis fine media ipsam balle passi biginti septem: Ab ipsa parte septemtrionis est finis illut quod ipse iohannes filius iaquinti superius comprensit. A parte occidentis est finis media ipsam serra et passi quadraginta octo, et per longitudo da ipsa media balle usque ipsam serra, de totum istut fecit esse primam sorte cum vice de bia sua. Alia sorte fecit per fines et mensuras: Ab ipsa parte orientis fine media ipsa balle, inde sunt passi biginti quinque minus cubitum: A parte septemtrionis fine ipsam primam sortem: A parte occidentis est finis media ipsa serra, et passi triginta nobem, et per longitudo da media ipsa balle usque ipsas serra, de totum istut fecit esse secunda sorte cum vice de via sua. Alia sorte fecit per fines et mensuras: A parte orientis fine media ipsa balle, inde sunt passi octo et cuvitum unum: A parte septemtrionis est finis ipsa secunda sorte: A parte occidentis est finis media ipsam serram et passi tridecim, et per longitudo da media ipsa balle usque media ipsa serra. De totum istut fecit esse Tertia sorte cum bice de via sua. Alia sorte fecit per fines et mensuras: a parte orientis finis media ipsa balle, inde sunt passi decem et octo: A parte septemtrionis finis ipsa tertiam sortem: A parte occidentis est finis mediam ipsa serram, Inde sunt passi biginti quattuor. Et per longitudo da media ipsa balle usque media ipsa serra. De totum istut fecit esse quarta sorte cum bice de bia sua. Ipsam sortem da parte meridie fecit per fines et mensuras: A parte orientis fine media ipsa balle, inde sunt passi biginti quinque: A parte septemtrionis est finis ipsa quarta sorte: A parte occidentis finis media ipsa serra, inde sunt passi triginta quinque; et per longitudo tote suprascripte sortes da media ipsa balle usque media ipsam serra: De totum istut fecit esse quintam sorte cum vice de via sua, totis suprascriptis mensuriis iuxto passu hominis mensuratis. De iamdictis vero quinque sortionibus de suprascripta rebus prius inde comprehensit ipse iohannes filius predicti iaquinti ipsam primam et secundam sortem, qualiter superius facte sunt, cum omnibusque intra ipsam primam et secundam sortem sunt cunctisque earum pertinentiis et cum bice de viis, ad faciendum de eas ille et eius heredes quod boluerint. Et ipse durante comprensit ipsam tertia sortem, qualiter superius facta est, cum omnibus que intra eam sunt cunctisque eius pertinentiis et cum bice de bia sua, ad faciendum de ea ille et eius heredes quod voluerint. Et ipsi amato pro parte sua et de ipsum germano suo comprensit ipsa quarta sorte, qualiter superius facta est, cum omnibus que intra eam sunt, cunctisque eius pertinentiis et cum vice de bia sua, ad faciendum de ea ille et ipsum germano suo et illorum heredes quod voluerint. Et ipsi vibo comprensit ipsa quartam sortem, qualiter superius facta est, cum omnibus que intra eam sunt cunctisque eius pertinentiis et cum bice de bia sua, ad faciendum de ea ille et eius heredes quod voluerint. Et per combenientia ipsi bivo, et iohannes, et durante guadiam ipsi amato dederunt pro parte sua et pro parte de ipsum iohanne germano suo, et fideiussorem ei posuerunt pro sua et illius parte lando ballense filius quondam ursi sculdais; et per ipsam guadiam obligavit se ipsi bivo et iohannes et durante et illorum heredibus omni tempore permanendum cum ipsi amato et iohanne et cum illorum heredibus in suprascripta divisione, quemammodum supra legitur. Et si taliter, sicut dictum est, in suprascripta divisione illis et illorum heredibus cum ipsi amato et iohannes et cum illorum heredibus semper firmiter non permanserint, et suprascriptam vel ex eis quicquam remobere aut contradicere presumpserint, per ipsam guadiam ipsi bibo et iohannes et durante obligaberunt se et illorum heredibus componere ipsorum amati et iohannis et ad illorum heredibus centum auri solidos costantinos, et in suprascripta divisione, sicut supra legitur, illis et illorum heredibus cum ipsi amato et iohannes et cum illorum heredibus semper firmiter permanere. et ego predictus amatus et meos heredes semper faciamus permanere ipsum iohannes germano meo et eius heredes cui ipsis omnes suprascripti et cum illorum heredibus in suprascripta dibisione, quemammodum superius legitur. Verumtamen hoc memoramus, quia ipsi bibo et durante et iohannes et amato reserbarent bia per media ipsa balle, ut omni tempore illis et illorum heredibus et homines quod voluerint pro partes, inde ingredere et regredere possat cum omnis illorum congruitatis iusta rationem da ipsa bia que pergit ad subuculum usque ad ipsa sortis fine una pars de alias contrarietate per suprascripta guadia et obligata pena. quod scripsi ego superius dictus petrus notarius. + Ego alderissi notarius me subscripsi. + Ego petrus notarius me subscripsi.

Source Fulltext: Codex Diplomaticus Cavensis, vol. CDC.008, -, Estratto da ALIM