+ In nomine domini nonodecimo anno principatus domni nostri Gisulphi gloriosi principis, mense nobembri, quartadecima indictione. Dum in sacro salernitano palatio coram presentia suprascripti domni nostri gisulfi invictissimi et a deo conserbati principis essem ego petrus iudex et plures more solito circa eum essent fideles, inter quos aderat domnus leo venerabilis abbas monasterii sancte et individue trinitatis, quod constructum est foris hanc salernitanam civitatem in loco metiliano, et maurus imperialis protospathario filius quondam marini, qui dictus est iactavecte, et mastalus filius quondam godeni abitatores civitatis amalfitane, et ipsi maurus et mastalus ostenderunt unum preceptum utili anulo insignitum quod continebat: In nomine sancte et individue trinitatis, gisulfus divina favete clementia langobardorum gentis princeps, nostras ad deum tendere preces confidimus si dignas petitiones nostrorum fidelium non contempnimus, et eosdem fideles nostro beneficio nobis fore credimus fideliores et in nostro servitio promptiores, et ceteros eaque bene fecerimus arbitratos fidelius nostris obedire preceptis; Idcirco per interventum domne gemme principisse karissime genitricis nostre confirmamus vobis mauroni imperiali protospatario filius quondam marini, qui cognominatus est iectavecte, et mastalo filius quondam godeni habitatoribus de civitate amalfis de quinque partibus integras quattuor pars de terra cum silvis in loco qui cetara dicitur, quas emtas habetis a mario, qui dictus est pappalardo filio quondam riccardi, et a griso filio quondam cuncti, et a sellitto et riccardo germanis filiis quondam sellicti, et a machenolfo filio quondam iohannis, et a vivo castaldo filio quondam petri. et tote ipse terre sunt per fines qualiter incipit a grotte de sub latere montis falerzu, et rectum pergit in parte occidentis, et inde vadit in parte meridie usque in pumicara, et inde vadit in parte occidentis usque in medium flumen de ipso loco de cetara; et per medium ipsum flumen ascendit in locum qui dicitur ad hominem mortum, et ab ipso loco homine mortuo ascendit in parte occidentis et coniungit in serra que dicitur mululu, et per ipsam serram vadit in parte orientis et coniungit in altera serra que dicta est de pulveraccho, et exinde in serra de castaniola, et in serra de sao, et vadit usque in suprascripte grotte de falerzo cum omnibus intra ipsas quattuor parte sunt cunctisque earum pertinentiis et cum vice de viis earum. Necnon et concedimus vobis integram ipsam quartam partem de suprascriptis terris per suprascriptas fines cum omnibus que intra eam sunt cunctisque eius pertinentiis et cum vice de viis suis, ea ratione, ut de toto et integro eo quod vobis, ut dictum est, confirmamus et concedimus, integras tres partes semper sint in potestate tua mauronis et eredum tuorum; et liceat te et tuos heredes de eis facere quod volueritis; et reliquam quartam partem ex eo semper sit in potestate tua mastali et heredum tuorum: et liceat te et tuos heredes ex ea facere quod volueritis, et neque de nostris iudicibus, comitibus castaldeis; neque a quibuscumque auctoribus nostre reipuplice, quolivet tempore vos et vestris heredes habeatis ex hoc quod vobis concedimus et confirmamus, ut suprascriptum est, aliquam contrarietatem, sed in perpetuum illud vobis et vestri heredes in suprascripta ratione securiter habeatis et faciatis ex eo, ut dictum est, quod volueritis vos et vestri heredes, absque omnibus controversiis et requisitionibus nostre reipublice. Textum vero huius concessionis et confirmationis scribere precepimus te aceprandum lebitam et scribam nostri sacri palatii, anno nobis a deo concessi principatus nonodecimo, mense nobembri, concurrente indictione quartadecima. Cum autem ipsum preceptum fuit ostensum ipsi maurus et mastalus volebant facere cum predicto domno abbati de suprascriptis terris quemammodum inferius describendum est; et ut hoc firmum permaneat, iusta capitulum edicti regis langobardorum, interesse fecimus ydonei homines, ut secundum eumdem capitulum quod de convenientia abbatis et ceteris affixum est, hec convenientia in subscrivenda ratione finita sit. Et ideo ipse domnus abbas per iussionem ipsius domni principi convenientia faciens manifestavit dicens ipsum preceptum in omnibus quod continet veracem esse et nichil ex eo quod continet remobere aut contradicere posse: et recepit de ipsis maurone et mastalo propter hoc auri tarenos de presenti moneta centum viginti, ad faciendum ex eis quod voluerit. Et per convenientia ipse domnus abbas guadiam ipsis mauroni et mastalo dedit, et fideiussorem eis posuit aldemarium filium quondam iohannis vestararii; et per ipsam guadiam et convenientiam ipse domnus abbas obligavit se et successores suos et pars suprascripti monasterii, ut nullo quoque tempore querant tollere vel contrare suprascriptas terras per iamdictas fines vel ex ipsis mauroni et mastalo vel illorum heredibus, aut quascumque actiones adversus illos vel eorum heredibus preponere presument, et semper ille et successores suos et suprascripto monasterio pars defendant ipsis mauroni et mastalo et illorum heredibus suprascriptas terras per iamdictas fines a iohanne monacho ipsius monasterii, qui dicitur de rogata, filio quondam petri, et a iaquinto ipsius monasterii monacho filio quondam igni, et a machenolfo filio quondam iohannis, et ab eorum heredibus, et ab omnibus hominibus quibus per ipsum domnum abbatem et successores eius, et pro parte suprascripti monasterii et per ipsos iohannem, et iaquintum, et machenolfum et per illorum heredes ipsas terras vel ex ipsis datas aut obligatas vel manifestatas seu alienatas paruerit, et quibus per earum partes et dato quascumque causationes ex eo ipsis mauroni et mastalo et illorum heredibus preposuerint; ab aliis autem hominibus et cum voluerint ab omnibus hominibus ipsi maurus et mastalus et illorum heredes potestatem habeant ipsas terras per se defendere, qualiter voluerint cum omnibus muniminibus et rationibus quas de eis ostenderint. et si, sicut superius scriptum est, ipse domnus abbas et successores suos, et pars ipsius monasterii ipsis mauroni et mastalo et illorum heredibus non adimpleverint, et suprascripta vel ex eis quicquam removere aut contradicere presumpserint; per ipsam guadiam et convenientiam obligavit se et successores suos et pars suprascripti monasterii componere ipsis mauroni et mastalo, et illorum heredibus trecentos auri solidos constantini. Et ipse domnus abbas reservavit sivi vicem de via puplica que ducit infra suprascriptas terras, ut per eandem viam ille et successores eius et pars ipsius monasterii, et homines quos voluerint, potestatem habeant ire ad res ipsius monasterii que est a foras suprascriptas fines coniunctas cum suprascriptis terris, et faceret ex ipsa vice de via et de ipsis rebus ipsius monasterii quod voluerint, absque contrarietate ipsorum mauronis et mastali et heredum eorum. et duas cartulas unius tenoris, hanc quam pars suprascripti monasterii, et alteram quam ipsi maurus et mastalus retinunt. scripsit iohannes notarius per iussionem suprascripti domni principis. + Ego petrus iudex. + Ego iohannes notarius me subscripsi.

Source Fulltext: Codex Diplomaticus Cavensis, vol. CDC.008, -, Estratto da ALIM