+ In nomine domini, vicesimo secundo anno principatus domni nostri Gisulfi gloriosi principis, mense nobembri, secunda indictione. Dum in sacro monasterio beate semperque virginis filii dei genitricis marie et sancti benedicti ubi ad corpus dicitur et constructum est intra hanc salernitanam civitatem in orto magno coram presentia domni iohannis gratia dei ipsius monasterii abbatis et domni theodori venerabilis episcopi essem ego iohannes iudex Amatus ex congregatione monachorum ipsius monasterii monachus filius quondam romoaldi qui fuit notarius per imperium ipsius domni abbatis ostendit unam cartulam que continebat. In nomine domini, tertiodecimo anno principatus domni nostri gisulfi gloriosi principis, mense augusto, septima indictione. Ante me iohannem iudicem romoaldus filius quondam sichenolfi qui notarius fuit memor omnipotentis dei qui pro nobis serbilem carnem sumere dignatus est ut nobis libertatem donaret, liberos dimisit mariam ancillam suam et maraldam et alferadam et petrum filios ipsius marie. Ea ratione ut post obitum ipsius romoaldi, ipsi maria et maralda et alferada et petrus et ex eis descendentes liberi permaneant absque omni serbili condicione. et licentiam habeant ire et habitare et esse quocumque voluerint. Et ipse romoaldus concessit eis omnem illorum iustum paratum et conquisitum ad faciendum ex eo quod voluerint. Sic tamen ut infra salernitanum principatum ipsi maria, maralda, alferada et petrus et ex eis descendentes non habeant licentiam alterum domnum habere nisi heredes ipsius romoaldi et maneant semper sub eorum defensione. Et ipse romoaldus obligavit heredes suos semper defendere libertatem in suprascripta ratione ipsis marie et maralde et alferade et petro et ex eis descendentibus ab omnibus hominibus quibus per ipsum romoaldum illi vel ex ipsis quomodocumque dati aut obligati paruerit aut alienati et qui pro parte et dato ipsius romoaldi quascumque causationes de illorum libertate illis preposuerint. Ab aliis autem hominibus, et cum voluerint ab omnibus hominibus, potestatem habeant suam libertatem per se defendere qualiter voluerint. Tantum dum amatus filius ipsius romoaldi legitima uxore sociatus fuerit, ipsi maria et maralda et alferada et petrus et ex eis descendentes serbiant ipsi amato et adimpleant ei omnem illius iustam imperationem et ipse amatus eis victum et vestinienta ut iustum fuerit tribuat. Postmodum vero permaneant liberi in predicta ratione. Et si sicut suprascriptum est, heredes ipsius romoaldi ipsis marie et maralde et alferade et petro et ex eis descendentibus non adimpleverint et suprascripta vel ex eis quicquam removere aut contradicere presumpserint, ipse romoaldus obligavit heredes suas componere ipsis marie et maralde et alferade et petro et ex eis descendentibus centum auri solidos constantinos et sicut superius scriptum est adimplere. Et duas cartulas unius tenoris, hanc quam ipse amatus et alteram quam ipsi maria et maralda et alferada et petrus retinet, te truppoaldum notarium qui interfuisti scribere precepi. Ego qui supra iohannes iudex. Cum autem lecta fuit ipse amatus pro amore omnipotentis dei et anime eius salute per licentiam ipsius domni abbatis remisit ipsis marie et maralde et alferade et petro iamdicta condicione quam ipse amatus qui ipsi romoaldo notario heres successit in iamdictis maria et alferada et maralda et petro et eorum descendentibus habere debuit sicut suprascripta cartula continet. Ea ratione ut nullo tempore ipse amatus et eius heredes dummodo eis et ex eis descendentibus esset …….. eorum defensione eos habere queratur, set quibus voluerit deserbiant et sub eorum defensione quos voluerint permaneant. Sic tamen ut ipse maria et maralda et alferada et petrus et ex eis descendentes non habeant potestate quo ……. degere vel habitare intra totum vicum quod arcum magnum dicitur a casis angeli abbatis et meli et iohannis et petri clerici filii eius in parte orientis ipsis eorum casis. Et si ipsis casis ipsorum angeli et meli et iohannis et petri clerici et ab eis in parte orientis ut dictum est ...... habitare presumpserint, non habeant licentiam aliquo tempore alium domnum habere solummodo gaitam et mondam filias ipsius amati et heredes earum. et semper ipse maria et maralda et alferada et petrus et ex eis descendentes sub defensione ipsarum gaite et monde et heredum earum permaneant. Tantum dum vixerit ipse marie teneat applictum quod ipse romoaldus genitor eius de casis suis tenenti iudicavit et ibi resideat et si voluerit ipsos maraldam et alferadam et petrum vel ex eis descendentes habitandum recipiat dum vixerit sicut dictum est voluerit. Cum autem ipsa maria obierit vel illa et ipsa alferada et maralda et petrus vel aliquis ex eis ipsis filiabus suis et heredibus earum et gemme genitricis earum vel cui ex eis rationibus rationem reddiderit ut aliquis ex vicinis illud dicat presens ex ipso applicto exeant cum rebus eorum. Et nullo tempore in ipsis casis ipsius angeli et filiorum eius et ab eis in parte orientis intra totum ipsum vicum ut dictum est ipse maria et maralda et alferada et petrus et ex eis descendentes aut aliquis ex eis degere vel habitare presument et si hoc facere presumpserit non alienos semper ipsos gaitam et mondam et heredes earum dominas habeant et sub earum et heredum earum defensione permaneant. Et ipsa maria cum de iamdicto applicto exierit licentiam habeat dum vixerit illud aliis quibus decet hominibus ad residendum dare et de tributo quod ex eo tollere potuerit faciat quod voluerit. Et per convenientiam ipse amatus obligavit se et suos heredes, si sicut superius scriptum est non adimpleverit et aliquit de eo removere aut contradicere presumpserit, componere ipsis marie et maralde et alferade et petro et descendentibus eorum centum auri solidos constantinos. Et quod superius scriptum est firmum stabilemque permaneat. Quod autem superius disturbatum est legitur si ut dictum est voluerit. Cum autem ipsa maria obierit vel illa et ipse alferada et maralda et petrus vel aliquis ex eis ipsis filiabus suis et heredibus earum et gemme genitricis earum vel alicui ex eis rationem; et inter virgulos superius scriptum est non alios nisi. Et hoc factum est dum idonei interessent homines. Et duas cartulas unius tenoris, hanc quam ipse iamdicte gaita et monda retinet, et alteram quam ipse maria et maralda et alferada et petrus, te iohannem notarium scribere precepi, que omnia suprascripta fecit ipse amatus per licentiam ipsius domni abbatis. Et ipso aliut disturbatum legitur iamdicta. quod te ipsum iohannem notarium subiungere iussi. + Ego qui supra iohannes humillimus abbas. + Ego qui supra iohannes iudex. + Ego romoaldus notarius me subscripsi. +Ego iohannes notarius me subscripsi.

Source Fulltext: Codex Diplomaticus Cavensis, vol. CDC.008, -, Estratto da ALIM