+ In nomine domini tricesimo anno principatus domni nostri Guaimarii, et tertio anno principatus domni iohanni eius filii, gloriosi principibus, mense martius, prima indictione. Memoratorium factu a nobis grimoaldus filius stefani comitis et iohannes filius stefani calbenzo, qui sumus abitantes de locum angre actum nucerie, Eo quod ante subscripti idoneis hominibus tradidit nobis maio abbas aecclesie sancti maximi, una cum eum esset roderirius advocatorem eius, inclita medietate de curte quod pars ipsius ecclesie habet in ipso locum angre, ubi proprio casamavile dicitur, qui est terra cum arbustis vitatis et bacuum uno tenientem infra as fines et mensuras: A pars orientis fine ipsius ecclesie unde via fuit, inde passi centum nonaginta quadtuor usque bia, que modo se andad; et per ipsa bia abientem in pars meridie usque alia via publica maiore, sunt inde passi quadraginta quinque: A parte meridie fine bia ipsa publica maiore que dicitur stabiana, sunt inde passi centum quadtuordecim: A parte occidentis rectuni mensurati passi septuaginta unum; et abinde revolbente in ipsa pars occidentis rectum exiente usque in fine de heredes domni radelghisi, sunt inde passi nonaginta quadtuor; et abinde revolbente in pars septemtrionis contra ipsa padule, et inde passi octuaginta quadtuor: a pars septemtrionis fine ipsa padule pertinentem ipsius ecclesie, inde passi centum septuaginta quadtuor, totum mensuratum ad iusto passum hominis; de hec vero rebus infra predictas fines et mensuras inclita medietate in ipsa pars orientis nobis tradiderunt. Seu et tradiderunt nobis extra ipsas mensuras, quantum plus potuerimus, cum predicta medietate exire laborandum in ipsa padule: tantum exceptuavimus de ipsa traditionem, quod nobis non dederunt, ipsa pecia quod tenuit iohannes livoranus; nam ipso aliut, sicut dictum est, nobis tradiderunt cum vice de ipsa bia in oc hordine, ut amodo et usque decem anni conpleti nos et nostris heredibus ipsa eorum traditionem nostre potestatis tenere et dominare, et ibidem residere et abitare, et nostre hutilitatis ibidem facere iusta ratione, et annualiter usque ipso constitutum tota predicta tradictione annualiter perfecte laboremus, potemus, propaginemus, et, ubi meruerit, arbores et vites de bono vitinio ibidem planctemus, et sic illut annualiter laboremus et hoperemus, quatenus proficiad et non disperead, et semper bene paread lavorata et cultata, et, ubi meruerit, clusa, et quantum potuerimus per tempore introire in ipsa padule lavorandum, lavoremus illut et faciamus ibi ortora et seminemus annualiter, tam ibi quam et in ipsa alia traditione, quale semente ibi meruerit, et tam ipsa ortora quam et ipso seminatum annualiter studiemus, et de omnis frudium et lavores quam inde exierit, de totum demus annualiter ad pars ipsius ecclesie iusto terraticum et servitium, secundum consuetudinem de ipso locum, et per tempore de vindemie annualiter usque ipso constitutum faciamus scire pars ipsius ecclesie, ut ibidem dirigant missum suum, et nos totum ipso arbustum annualiter apto tempore rationaviliter vindemiare debeamus, et poma exinde colligamus, et omnis vinum et poma exinde ibique per medietatem dividamus: pars predicte ecclesie tollad illut medietatem, et nos medietatem; et ipsa medietate eorum de ipso vinum que ad pars ipsius ecclesie inde benerit, nos portemus illut usque cellarium ipsius aecclesie quod habet in ipso locum nuceria, ubi dicitur ad pariti, et mittamus illut in organea, que pars ipsius aecclesie nobis assignaberit, ita ut nos organea ipsa conciemus perfecta; missum illorum que pars predicte ecclesie annualiter ibidem direxerit, nos eum nutriamus secundum nostram possivilitatem, donec pro ipse vindemie et aire ibi steterit, et demus ei palmentatica et airatica, sicut consuetudo est. ad conpleto ipso constituto inclita predicta tradictionem hoperata bona et, ubi meruerit, clusa remittamus ad potestatem de pars ipsius aecclesie, et nos licead inde exire cum omnia nostra mobilia et ire, ubi voluerimus. Tantum amodo et usque ipso constitutum ipse abbas suisque successoribus et pars ipsius aecclesie defensare nobis nostrisque eredibus tota supradicta sua traditione per iamdicto hordine, quemammodum supra legitur, da omnes homines omnique partibus, et non querere ante ipso constitutum illut nobis tollere aut contrare; de qua per bona conbenientiam guadia nobis ipse abbas dedit, una cum eum esset ipse suum adbocatorem, et mediatorem nobis posuit iaquintus diaconus et primicerius eundem ecclesie, ut si taliter omnia, ut superius legitur, ipse abbas suisque successoribus et pars ipsius ecclesie nobis non adimpleberint et aliquit inde contradixerint, per ipsa guadia componere obligavit se ipse abbas suisque successoribus, et pars ipsius aecclesie nobis nostrisque eredibus biginti auri solidos constantinos. Et hunc brebem scripsi ego myrandus notarius qui ita novi. + Ego qui supra maio presbiter et abbas + Ego qui supra roderisius me subscripsi + Ego Iaquintus notarius me subscripsi + Ego dauferius notarius me subscripsi.

Source Fulltext: Codex Diplomaticus Cavensis, vol. CDC.004, -, Estratto da ALIM