+ In nomine domini undecimo anno principatus domni nostri Guaimari filii domni guaimari, gloriosis principibus, mense nobember, duodecima indictione. Memoratorium factum a me mosandus domini gratia abbas monasterii sancte sofie, qui situm est intus ec cibes salerno, eo quod ante subscripti testes, una mecum exet petrus adbocator ipsius monasterii, per conbenientia tradidi iaquinti filio nanningni de nucerie de una pecia de terra cum arbustis de ipso locum nucerie propinquo curte maiore ipsius monasterii, et est illut unde hego ei tradidi, quod pertinet ipsius monasterii ad quodam guaiferi filio guaiferi qui ipsum monasterium construssit per as fines et mensuras: a pars occidentis fine rebus ipsius monasterii, inde sunt passi decem et octo et gubita tria: a meridie similiter fine rebus ipsius monasterii, et inde sunt per longitudo passi octuaginta quadtuor: de super capite quod est in pars orientis, fine flubio qui dicitur salagra, et inde sunt per latitudo passi sidecim: a septemtrionis similiter fine rebus predicti monasterii, et inde sunt passi octuaginta et gubitum unum ad iusto passum omini mensuratum; de totum, quantum supradictum est, quod pertinet ipsius monasterii ab intro supradicte fines et mensuras, sicut dictum est, ego ipsius iaquinti tradidi In oc ordine, ut amodo et semper tota et inclita supradicta tradictione ad sua et de suis eredibus sit potestatem tenendum et dominandum, et fobee het sue utilitatis iusta ratione ibidem faciendum. Et tota supradicta tradictione, qui est terra cum arbustis vitatis, per omnis annum acto tempore de super et de subtus illut laborent, et operent, et cultent bonum, et ubi meruerit, arbores et vites ibi plantent, et propaginent, et studient, et surgant, sicut meruerit bonum exet arbustum in ipso locum, ut per omnis annum perfectum pareat operatum de super et de suptus tota ipsa tradictio, quatenus annualiter proficiat et non dispereat, et salbum illut faciat, sicut meruerit et iustum fuerit. Et per omnis annum per vindemie per acto tempore faciant scire me vel successores meos, ut ibidem dirigamus missum nostrum, et ille suisque eredibus adiubent ad conciandum organea, quod pars ipsius monasterii abet ad cellarium nostrum, quod abet in ipsa curte maiore, het concient et studient bona, sicut meruerit; organea ipsa, ubi ipsa medietate de ipso vinum, quod ab illum ad ipsum missum nostrum ebenerit, mittere debuerint, et ordinent ipsa organea in ipsum cellarium, sicut meruerit, et ille het suos eredes per omnis annum bindemient tota ipsa tradictio, et poma, si ibi abuerit, exinde colligant, et de omnis vinum et poma exinde annualiter inclita medietate per omnis annum inde deant ad ipso nostrum missum, et reliqua medietate inde sivi abeant, et ipsa medietate de ipso vinum predicti monasterii, que ad ipsum nostrum missum ab illum benerit, per omnis annum cum suo espendio illut portent ad ipsum cellarium ipsius monasterii et mittant illut in ipsa horganea quod illis conciaberint, et faciamus inde quod boluerimus ego et successores meos; et de quo annualiter amodo et semper in predicta tradictione seminaberint, deant inde terraticum ad ipso missum nostrum ibique in ipsa rebus secundum consuetudinem de ipso locum; et usque dum annualiter ipso missum pro ipsa vindemia ibi steterit, illis eum nutriant, sicut iustum fuerit secundum suam possivilitatem, et per omnis annum palmentatica ad ipso nostrum missum deant secundum consuetudinem de ipso locum, et ego et successores meos amodo et semper per supradicta tradictione cum bice de via sua ipsius iaquinti et ad illius eredes defensemus da omnes omines omnique partibus. Preter, quale tempore ipsa tradictio in predicto ordine tenere het laborare non boluerint, et sic inde in pars predicti monasteri adinplere, sicut supradictum est, tunc licead illum et suis eredibus tota et inclita supradicta tradictio in iamdicto ordine laborata, et operata et cultata remittant ad potestatem supradicti monasterii, ad faciendum exinde quod boluerint, et licead illis inde exire cum omnis illorum causa mobilia. Unde in eo hordine per conbenientia guadia michi ipse iaquintus dedit, et mediatorem michi posuit iohannes filius quondam berenardi de ipso locum nuceria; et per ipsa guadia obligavit se het suis eredibus, ut si aliquit de que superius legitur, quesierint remobere aut contrare, tunc per ipsa guadia conponere obligavit se ipse iaquintus et suos eredes michi meique successoribus viginti auri solidi constantini, et unc brebem scripsi ego alderisi notarius. + Ego iohannes notarius me subscripsi + Ego sico.

Source Fulltext: Codex Diplomaticus Cavensis, vol. CDC.005, -, Estratto da ALIM