+ In nomine domini sextodecimo anno principatus domni nostri waimarii gloriosi principis, filii quondam domni guaimari principis, mense december, secunda indictione. memoratorium factum a nobis ioannes granianense filio quondam mastali, et ioannes calbenzu filio quondam stefani, qui sumus avitatori de locum angre, clarefacimus, quoniam ante os annos per brebi compreensum abuimus de rebus pertinentem ecclesie sancti maximi in ipso locum angre, ubi casaamavile dicitur, sicut ipsi brebri continet, qui unum de ipsi brevi scriptum est per mirandus notarius, et ibidem scriptum maio presbiter et abbas, et landolfus, et ursus presbiter et cardinalis, et alderisi notarius, et ipso alio brebe scriptum est per iaquintus notarius et ipsum maio presbiter et abbas, et ibidem scripti ademari notarius et alderisi notarius. Et illut que ipsi brevi continet, minime illut adimplere potuimus et compositionem inde facere debemus, sicud per ipsi brebri inde obligati sumus domni adelferi clerico et abbati ipsius ecclesie, qui est unum de dominium ipsius ecclesie; set pro amore omnipotenti deo per subsceptum launegilt donabit nobis ipse domnus abbas ipsa compositione quam ipsi brebi continunt, et nos remisimus anbo ipsi brebi ad potestatem ipsius domni abbati, ad faciendum exinde omnia quod voluerit. Et modo ipse domnus abbas per combenientiam tradidit nobis iamdictis iohanni, et iohanni, et maranci filio quondam maranci ragimperghe, qui sumus toti abitatori de ipso locum angre, tamen una cum ipse domnus abbas adesset amatus adbocatorem ipsius ecclesie, ante subscripti ydoneis ominibus tota et inclita ipsa rebus, quantum anbo ipsi vrebi continunt, que est per as fines et mensuras: a parte orientis fine rebus ipsius ecclesie unde via fuit, inde sunt passi centum nonaginta quadtuor usque via que modo se andad, et per ipsa via abiente in parte meridie usque alia via pubblica, sunt inde passi quadraginta quinque: a parte meridie fine ipsa bia pulbica, que dicitur staviana, sunt inde passi centum quadtuordecim: a parte occidentis recti mensurati passi septuaginta unum, et avinde revolbente in ipsa parte occidentis rectum et exiente usque in fine de eredes domni radelghisi, sunt inde passi nonaginta quadtuor, et ab inde revolbente in pars septemtrionis contra ipsa padule et inde sunt passi octoaginta quadtuor: a parte septemtrionis fine ipsa padule que est pertinentem ipsius ecclesie, inde sunt passi centum septuaginta quadtuor, totum mensuratum ad iuxto passum omini. Hec vero rebus, que est terra cum arbustum, per supradicte finis et mensurie inclitum illut ipse domnus abbas una cum ipso adbocatorem nobis iamdictis iohanni, et iohanni, et maranci tradidit in tali ordine, ud amodo et semper, natos nascentem, ad nostram et de nostris eredibus esset potestatis illut tenendum et dominandum, et fobee et omnes nostre utilitatis iuxta rationem ibidem faciamus, et ego iamdictus ioannes calbenzu et meos eredes omni tempore ibidem resideamus et avitemus; et per omnes annum amodo et semper nos toti suprascripti et nostris eredibus tota et inclita suprascripta rebus per suprascripte finis et mensurie apto tempore illut lavoremus de super et de subter, sicud locus ipse meruerit, et ubi meruerit, arboribus et viti de bono vitineo ibidem pastenemus, et omni tempore a parte de ipse bie illut bonum cludamus, et clusum vonum abeamus, sicut meruerit, et per omnes annum totum et inclitum omni tempore perfectum paread laboratum, et cultatum, et surtum, et salbum, ud amodo et semper totum vonum proficiant et non dispereant: tantum infra supradicte finis et mensurie in ipsa parte occidentis in ipsa fine ipsius domni radelghisi et in ipsa parte septemtrionis, ubi est ipsa padule, si ibi plantaverimus, tertiam et quarta bice arboribus et vites et abemus exinde maxima certamen, et non ibidem prendet ipsi arboribus et ipse bites pro ipsa padule, unde ausi fuerimus secundum legem iurare ad pars ipsius ecclesie, non siamus inde culpaviles, et amodo et semper per tempum de bindemie per omnes annum faciamus scire pars ipsius ecclesie, ud ibidem dirigad missum suum, et nos totum ipso arbustum per suprascripte finis et mensurie adsingnemus ad pars ipsius ecclesie perfectum laboratum, et salbum per omnes annum et rationaviliter apto tempore illut vindemiemus, et ad palmentum illut ibique procuremus, et omnis vinum quam inde exierit, per medietatem illut dividamus cum ipso missum de pars ipsius ecclesie; ipso missum tollad illud medietatem, et nos medietatem, et deant ibidem nobis pars ipsius ecclesie organea da binum, et nos organea ipsa conciemus et studiemus bona, sicud meruerit, et faciamus in ipsa rebus casa vel reditum bonum, ubi ipsa organea de pars ipsius ecclesie ponamus, et ipsa sortione de ipso vinum de pars ipsius ecclesie ibidem mictamus et salbum illut faciamus, donec illut inde tollere fecerit pars ipsius ecclesie, absque degeneratione et igne; et de quod per annum ibidem seminaberimus, per tempum illut recolligamus, et ad ayre illut adunemus et precuremus ibique, et similiter faciamus scire pars ipsius ecclesie, ud ibidem dirigad missum suum, et demus inde ad ipso missum terraticum secundum consuetudinem de ipso locum; et dum ipso missum ibidem steterit pro ipse bindemie et pro ipso terratico, nos autem illut nutriemus ille et equum suum secundum nostram poxivilitatem, et palmentateca et ayratica ad ipso missum demus per omnes annum, sicud iuxtum fuerit et ipso locum est consuetudo; et quale tempore illut tenere et lobarare noluerimus, aut non potuerimus in predicta ratione, inclitum illut laboratum perfectum, et cultatum, et surtum, et clusum per ipse vie et ipsa organea et ipso reditum, ubi ipsa organea fuerit, totum et inclitum illut remictamus ad potestatem ipsius ecclesie salbum, et licead nos et nostris eredibus inde exire et excutere de causa nostra movilia. Unde in eo ordine per convenientia guadia novis ipse domnus abbas dedi, una cum eum adesset ipse advocatore, et mediatore nobis posui leo clericus filius quondam stefani; et per ipsa guadia etc. Statuta mulcta triginta auri solidorum Constantini. verumtamen oc memoramus, ut si voluerit pars ipsius ecclesie ipsa sua sortione de ipso vinum reponere in alia rebus pertinente ipsius ecclesie in ipso locum ubi cancellata dicitur, nos autem illut ibi portemus per omnes annum, quando boluerit pars ipsius ecclesie, ad omni nostrum expendium et mictamus illut in organea, que ad nos in ipso locum cancellata adsingnare fecerit pars iamdicte ecclesie, et nos organea ipsa conciemus per omnes annum et studiemus vona, sicud meruerit; et si da completa ipsa mensuria in foras in parte septemtrionis in ipsa padule pertinentem ipsius ecclesie nos autem et nostris seminare seu ortora ibidem facere potuerimus, similiter demus inde in pars predicte ecclesie per omnes annum terraticum secundum consuetudinem de ipso locum per supradicta guadia et obligata pena, quod scripsi ego alderissi notarius. + Ego alferus superius nominatus abbas + Ego romoaldus me subscripsi + Ego qui supra amatus + Ego urso presbiter et cardinalis + Ego ademari me subscripsi.

Source Fulltext: Codex Diplomaticus Cavensis, vol. CDC.005, -, Estratto da ALIM