Wir Enno, graffe vnd herre zw Oestfrislanden «fee, bekennen vnd bezceugenn offent- lich jn vnnd mit krafft dieses vnsern besigelten brieffs vor yderman, das wir vmb sun- derliger gnadc vnd gunsth willen, szo wir zw der stadtt Vtrecht vnd jre vorwanten getragen haben vnd tragen, die selben Vtrechtsche burgere, kaufleute vnd vorwantten jn vnsern landen vnd gebieten geleidett haben vnd"geleiten jn kraft dis. jegenvurtigeu, alzo das sy jn obgemelten vnsern landen auff gewonthliche zcolle vnd andere pflicht mugen wanderen, passiren, keufen vnd vorkeufen, vnvorhindertt yederman; vnnd die weile der radt van Vtrecht vns zw gesagt vnd gelobett widerumb die vnsern alzceit mit dem besten, beide jm rechte oder sunst, allenthalben fleisig zw foderen, szo sellen auch der wegen obgemelte Vtrechttische kaufleute vnd vorwanten von vns vnd den vnsern gefodertt werden, vnd sunder arrestirung mit yrem gutte ausz vnsern landen gestatett, alles suu- der sferde vnd argelist. Zw vrkunde der warheitt haben wir vnser pitzir ahn diesem brieffe thun hangen, nach Chrislj geburtt tausent vunf hundertt jmneunvndzcwenzcigstem jare, ahm abende Simonis ett Jude appostulorum.

Naar het origineel met eeu zegel van rood en wit was voorzien, en voorhanden in het stedelijk arehief van Utrecht.