Wy Lodewyc, grave van Vlaendrcn, hertoge van Brabant, gravc van Nevers, van Rethy, ende heere van Machline, doen te wetene allen lieden, dat wy ouermits goede jonste, die wy dragen tot onsen geminden scepenen ende raidt ende tot al onsen porte- ren van onser stad van Andwerpen gemeenlick, ende ommc nutscap wille, orbore ende profyt van onser voers. stad, hebben geconsenteert ende consenteeren, ende es onse wille, dat alle de porteren, cooplicde ende andere goede liede vander stad ende vryheyt van Vutrecht met haren goede ende coopmanscepen comen moegen haren stapele maken binnen onser voers. stad van Andwerpen, dats te wetene van alrehande vetter ware, boter, caes , smout, smare , huyde, cyeren , raepsaet, koolsaet, mostaertzaet, chamzaet, honich ende zeem. Ende en sal noch ende en mach oick nyemen desc voirs. coopliede ende poorteren, noch hare goet doen rasteren, noch becommeren van enegerhande zaken, in enighcr manieren. Maer ware dat sake, dat sy of enich van hem encgerande beloof- ten of vorwaerden gedaen of gelooft hadden met handc, met monde of met scepenen brieue, of met brieue, die sy selue besegeit hadden, dat sy diere plegen ende houden souden, gelyck dat zyse gelooft hebben. Desc ghifte ende gracie voers. sal dueren van der daten van desen letteren viere jaer lang, volgende deen dandere, bydcr orconscep van desen letteren besegeit met onsen segele.

Gegeven te Ghend, den derden dach van September int jaer ons hceren duysent drie hondert zesse ende zeslich.

Aldus opte plycke gescr. By minen hcerc v. present ende den onf. ende getekent lab.

P. A. Voecht, Gecollationcert metten origineelen besegel-

Herbouts, den brieue.

P. Gielis. J. de Keyser. Colibrant.

Overgenomen uit de i Geschiedenis van Antwerpen, sedert de stichting der stad tot onze tijden, uitgegeveu door de Eederijkkamer de Olijftak, bewerkt door F. H. Mertens en K. L. Torfs." IIo Deel, 4o stuk, blz. 553. Antwerpen, 1846. Het origiueel berust in het stedelijk arehief van Antwerpen.