Wir burgermeisterc ind rait der stat Coelne doin kunt alle den ghenen, den dis brieff vurkomende wirt, dat vur vns komen ind erschenen is Johan van Tegelen, vnse burger, jnd hait moegich ind meichtich gemacht Diederich Bieseman, burger zo Nymei- gen, fruntlichen zo dadingen vmb alsulchen schiff wijne, yser ind bort, as Johan Raep- horst, Geryt van "Vlucten, Thonis Direx son, ind Rotart Gueden son, burgere zo Vtrecht, yem genomen haint, na ynnehalt sulcher brieue hee van yn darup sprechendc ind besegeit hait, jnd ouch vmb alsulchen schaden ind cost, as der selue Johan vnse burger darumb geleden ind gedain. hait; so dat der vurs. Diederich die sachen in frunt- licheit dadingen, ind alle dat daynne doin ind vurkeren mach, dat der vurs. vnse burger seluer doin ind vurkeren moechte, off hee vntgaenwerdich were; jnd wat der vurs. Diederich also daynne zo behoiff des vurs. vnss burgers in fruntschaff vngedron- gen ind vnbetwongen doinde ind sliessende wirt, dat hait der selue vnse burger vur vns geloift vaste, stede ind vnuerbruchlich zo halden sunder argelist. Vrkunde vnser steide jnge segel ad causas an desen brieff gehangen, jn den jaeren vnss herren duysent vierhun- dert ind tzweyinddrissich, des druytzienden daigs in martio.

Naar het origineel, voorzien met een gebroken zegel der stad Keulen, en voorhanden in het arehief der stad Utrecht.