Onse vruntliche groisse ind wat wir guts vermoigen, eirsame, wyse, besondere, gude vrunde! Die stat van Renen hauit onlangs bij yn zweire (?) ons. burgere ind jngesessenen, vmb dat etliche van yren burgeren zo Keyserswerde in dem Coelschen lande bekummert ind getoefft (geroeft) sijnt, doin bekummeren, ind den seluen doch dach gegeuen bynnen eynre sicherre zijt weder in den kummer zo komen, jnd, as wir verstain vyss yrre schrifft der

sachenhaluen an ons gedaen, neymen die van Renen vur, na dem die van Keyserswerde sich Coelsch halden, ind onse stat die ouerste stat des lantz, ind in ons. machtwale soele sijn die van Keyserswerde to onderwysen yre burgere quyt zo laissen, dat sij dar- omb onse burgere weder arrestiert hauen etc. Ende, vrunde, die van Renen vurs. doynt vns ind den onsen mit sulchcm kummer ind vurneymen ongutlichen, want onse stat Coelnc eyne vrije rychs stat is mit mannicherley gnaden ind vrijheiden van dem heiligen rych gefryet ind begaefft, ind besonder also, dat wir noch onse burgere off jngesessenen noch onse stat Coelne nyet bedeplichtich noch pantber en is, noch sijn en sall vp eynen artsbusschoff, dat stifft, noch dat lant van Coelne, dair van wir gude alde ind nuwe keyserliche brieue ind priuilegien hain, vur mannichen jaeren vnder groissen penen vns ind ons. stat gegeuen, die vns vil roemsche keysere ind koenynge, ind ouch der alredur- luchtichste herre getront roemsche keyser, bestediget haint, der wir langer dan mynschen gedencken bis h. ouch in vredelichen besess geweist sijnt. Jnd is darorob onse vrunt- liche begerde, vre wysheit wille die vurg. reden ind ouch, dat wir der kummer zo keyserswerde an die van Renen gelacht onschuldich sijn ind der nyet zo doin en hain , bedencken, jnd vort dairan syn ind die vurg. van Renen doin onderwysen ind dar zo vermoigen, dat sij vnse burger ind jngesessenen sulchen kummer ind geloiffden vurs. buyssen der vns. schaden quyt ind ledich sagen. Jnd wilt, gude vrunde, hierjnn mit bedencken, dat wir mit vrre cirsamheit ind dem stijfft van Vtrecht jn sunderlingen vruntschafften manniche jair gestanden hain, dairjnn wir vortan gerne blyuen seulden, so vil an ons were, die wir nyet gerne segen an onsen burgeren myt sulchen vnredelichen vurneymen, as ons bedunckt, gebrochen ind gemynret seulden werden, vch, besondere, gude vrunde, hierjnn so gutwilüch bewysende, as wir des ind allis guden genylichen getruwen, vp dat geyne noit en sij tegen die vurg. van Renen na luyde ons. priuilegien verfolgh zo doin, dair dan vorder onwille van entstacn mocchte, den wir lieuer verhoedt segen; jnd wes ons ind den onsen des gedyen mach, begeren wir eyne gutliche weder- beschreuen antwerde van vrre wysheit, die onse herre Got zo langen zijden gespaeren wille Geschreuen vp macndach XVIIden dag jn Septembrj, anno domini LXIIII.

(Get.) Burgermeistere ind Rait der steide Coelne.

Opschrift: Den eirsamen, wysen Burgermeisteren, Schëffenen ind Raide der stat Vtrecht, onsen besonderen, guden vrunden.

Naar den origineelen brief, waarop het zegel der stad Keulen gedrukt was, voorhanden in het arehief der stad Utrecht.