Wi Pieter, bider ghenaden Gods abt van onser Vrouwen cloestere jn Middelburgh, ende onse ghemeene conuent maken cond ende kenlic allen den ghenen, die desen brief zullen zien iof horen lesen, dat wi verleent hebben ende verleenen met desen open brieue beeren Franken, heer Clays sone van Bor selen , ruddere, omme menighen ghetrouwen dienst, die hi onsen godshuuse ghedaen heuet ende doen zal, anderhalf vie- rendeel vander tienden, die wi ghemeene hebben met den pro- chipape van Meloyfskerke, ligghende te Meloyfskerke jn Wal- gheren, also langhe als heer Franke vorseyt leuet, tot eenen gherechte lcene ende daer hi ons manscap of ghedaen heuet, ende na zijn doet zine witachtich huere manhoeft vp te co- mene jn ghelike manscappe van ons te ontfane, als heer Franke vorseyt van ons ghedaen heuet; ende gheuiele, dat heer Franke vornoemt storue sonder witachtich huere manhoeft, so soude dese vorscreuen tiende onsen godshuuse weder aen comen son der enich wederzegghen van yemende, die van heeren Franken weghen vorseyt onsen godshuuse vornoemt vanden vorseyden tiende aen spreken mochte. Jn orkonden ende jn kennessen deser waerheiden hebben wi Pieter, abt vorscreuen, desen brief vor ons ende onsen conuente bezeghelt met onsen zeghelevut- hanghende. Ghegheuen des dinxendaghes na onser Vrouwen dach ter Lechtmessen jnt jaer ons Heren dusent drie hondert viere ende tsestich.

Het zegel in bruin was, behenden.