Wij Henric, heer van Vianen, van den Goye ende van der Ameiden, doen cont allen luden ende bekennen, dat wij voer den hoegheboren vursten, onsen ghenedighen here, heren Willam van Guilich, hertoghe van Gelre ende greue van Zutphen, voer alle siin hulperen ende ondersaten ende voer (alle zijne) hulper hul- peren ende ondersaten, ende voert voer onss, onsen broederen ende oemen ende hoeren soenen ende voer allen onsen ende hoeren hulperen ende ondersaten ende voer allen onsen ende hoere hul peren hulperen ende ondersaten, gegeuen hebben ende gheuen mit desen brieue, heren Otten, here van Arkel, ende Johan van Arkel, heer van Haghenstein, sinen soen, ende allen hoeren hulperen ende ondersaten ende allen hoeren hulper hulperen ende ondersaten, enen goeden, alden, vasten, gantzen, steden, onverseechden vrede, aen ghaende op sente Johans dach Baptista gheheiten te midzomer naest comende ende voert durende tot sente Meertins dach toe indeu winter daer naest volghende, ende

9t

dien dach daer af al. Ende mit desen vrede sal ellic partije np beiden siden up siin leen ende goet ghevreedt siin, des te ghebruken alsoe lange als dese vrede waerdt, wtghenomen die sloete, heerlicheide, goede ende erfnisse vander Ameiden ende van Euerstein, die in banden soelen staen onser ghenedigher heren van Hollant ende van Gelre, ende die her Brustiin van Herwijnen, ridder, van der seluer onser heren wegen van Hollant ende van Gelre verwaren sal, (gelijk) ghededinct is. Voirt soelen mit desen vrede voerscr. alle gheuangene up beiden siden, die onghescat (zijn en) der hoer ghelt onbetaelt ende onver- wijst is ende van ridders aert siin, dach hebben uphoereyde, desen vrede lang durende; ende die ghene, die van ridders aert niet comen en siin, sullen redelike borghtueht doen ende set- ten up hoer eer ende daer mede dach hebben of bliuen sitten sonder wedoen, desen vrede lang durende. Voirt sullen alle hulperen ende ondersaten up beyden siden onderlinge riden, wandelen ende wesen desen vrede durende in mallix lande

ende sloeten, hoer comanscap ende te weruen van

decht, dat onse ondersaten ende ondersaten der van Arkel

ende van Haghenstein vurscreuen in des anderen sloeten

durende desen vrede om des ... slaghes wille, mer sye moi-

ghen onder een in des anderen landen wandelen ende onse

ghenedighe heer van Gelre vors. voerderen alsolke broiken alse yemant tieghen hem misdaen heeft, eer hie onse hulpere wart

ende noch yemanden ende mit der voerdernisse

en sal dese vrede niet ghelaect siin. Voirt moigen ellic partije

hulpere ende ondersaten vorscr. anderen heren dienen ende

ofte riden in vreemden landen, ende daer mede en sal dese vrede niet ghehindert wesen, alle arghelist vytghesceiden. Jn orconden van desen soe hebben wij Henric, heer van Vianen, van den Goye ende vander Ameiden, desen brief open beseghelt mit onsen seghel hiir aen ghehangen. Gegheuen tot Vianeu jnt iaer ons Heren dusent driehondert twe ende tneghentich des vriedaghes opden een ende twintichsten dach in Junio. De brief zeer beschadiget en bet zegel verloren.

9П